Elbasynyń úndeýinen keıin Bolat Nazarbaevtyń «Salıqaly urpaq» qory óz qarajatynan Covid-19 vırýsymen kúresý úshin 150 mıllıon teńge bóldi, – dep habarlaıdy Tengrinews.kz.

– Elbasynyń úndeýi qoǵamnyń árbir múshesine áser etti. Biz barlyq kúsh-jigerimiz ben múmkindikterimizdi Elbasynyń halyqqa joldaýynda kórsetken árbir tarmaǵyna qol jetkizý úshin jumsaımyz, – dedi qoǵamdyq qor basshysy Qasym Qasabekov.

Aıta keteıik, bul qoǵamdyq qor qyzmetin 2016 jyldyń sáýir aıynda bastaǵan. Qor janynda turmysy nashar otbasylardan shyqqan balalarǵa arnalǵan «Berekeli úı» arnaıy pansıonaty jumys isteıdi.

Ortalyq 50 orynǵa eseptelgen. Munda tárbıelenýshiler bes ret tegin tamaqpen, kıim-keshekpen jáne oqý úshin keńse kerek-jaraqtarymen qamtamasyz etilgen.

Qordyń negizgi qyzmeti - Almaty qalasy boıynsha az qamtylǵan otbasylar men múmkindigi shekteýli adamdardy qarjylaı qoldaý jáne azyq-túlikpen aı saıyn qamtamasyz etý. Búgingi tańda 130-dan astam otbasy qordyń qamqorlyǵynda.