– ەلباسىنىڭ ۇندەۋى قوعامنىڭ ءاربىر مۇشەسىنە اسەر ەتتى. ءبىز بارلىق كۇش-جىگەرىمىز بەن مۇمكىندىكتەرىمىزدى ەلباسىنىڭ حالىققا جولداۋىندا كورسەتكەن ءاربىر تارماعىنا قول جەتكىزۋ ءۇشىن جۇمسايمىز، – دەدى قوعامدىق قور باسشىسى قاسىم قاسابەكوۆ.
ايتا كەتەيىك، بۇل قوعامدىق قور قىزمەتىن 2016 جىلدىڭ ءساۋىر ايىندا باستاعان. قور جانىندا تۇرمىسى ناشار وتباسىلاردان شىققان بالالارعا ارنالعان «بەرەكەلى ءۇي» ارنايى پانسيوناتى جۇمىس ىستەيدى.
ورتالىق 50 ورىنعا ەسەپتەلگەن. مۇندا تاربيەلەنۋشىلەر بەس رەت تەگىن تاماقپەن، كيىم-كەشەكپەن جانە وقۋ ءۇشىن كەڭسە كەرەك-جاراقتارىمەن قامتاماسىز ەتىلگەن.
قوردىڭ نەگىزگى قىزمەتى - الماتى قالاسى بويىنشا از قامتىلعان وتباسىلار مەن مۇمكىندىگى شەكتەۋلى ادامداردى قارجىلاي قولداۋ جانە ازىق-تۇلىكپەن اي سايىن قامتاماسىز ەتۋ. بۇگىنگى تاڭدا 130-دان استام وتباسى قوردىڭ قامقورلىعىندا.
