Bolat Nazarbaevtyń qyzy, burynǵy sýdia Gúlmira Ábisheva 50 jas mereitoiyn ataqty ánshiler men laýazymdy tulǵalardyń ortasynda atap ótti. Mereitoi 23 shildede ótken, dep habarlaidy Dalanews.kz.
Aqparatqa sensek, merekelik keshke ánshi Shamhan Daldaev, Almaty qalasy Alataý aýdandyq politsiia basqarmasyna qarasty bólimshe basshysynyń orynbasary Aset Kópeshbaev pen áriptesi Samat Beristemov, Almaty qalasynyń sýdiasy Saida Bolat, Almaty oblysy Jambyl aýdany ákiminiń orynbasarynyń jubaiy sekildi birqatar qonaq qatysqan.
Aita ketsek, Ábisheva kezinde sot salasynda uzaq jyldar eńbek etken. Ol qyzmetin Bas prokýratýrada bastap, keiin ádilet organdaryna aýysyp, odan ári Almatydaǵy jyljymaityn múlik basqarmasynda jalǵastyrǵan. 2006 jyldan bastap Jetisý men Qarasai aýdandyq sottaryn, sondai-aq Qarasai aýdany ákimshilik sotyn basqardy.
Sonymen qatar Gúlmira Ábishevanyń esimi qazir memleketke 26 milliard teńge qaryzy bar "GB Invest" kompaniiasymen tyǵyz bailanysty. Buǵan deiin atalǵan mekeme Bas prokýratýranyń tergeýine ilikken edi. Kompaniia taýarlardyń kedendik qunyn jasandy túrde tómendetip, memleket qazynasyna úlken shyǵyn keltirgen degen aiyppen tergelgen.
Gúlmira Ábisheva – Bolat Nazarbaev pen Gúljan Nazarbaevanyń qyzy. Uzaq jyldar sot salasynda qyzmet etken ol búginde iri biznes-qurylymdarǵa qatysy bar tulǵa retinde jii atalady.
