Eńbek jáne halyqty áleýmettik qorǵaý ministrligi bolashaqta tanymal bolatyn mamandyqtar týraly aitty, dep habarlaidy Dalanews.kz.
Ministrlik Qazaqstanda shamamen 2,2 million jumys ornyn tehnologiialar men jasandy intellekt almastyrýy múmkin.
Qazirden bastap qai salany meńgerý kerek?
- jasandy intellekt salasyndaǵy ázirleý jáne injiniring
- derekterdi taldaý
- kiberqaýipsizdik
- jańartylatyn energetika
- "jasyl" tehnologiialar men ornyqty damý
- HR jáne kadrlardy basqarý
- oqytý, tálimgerlik, trening
- psihologiia jáne keńes berý
Microsoft zertteýine sáikes, joiylý qaýpi tóngen mamandyqtar qatarynda aýdarmashylar, jazýshylar, telefon operatorlary, radio júrgizýshiler, saiasattanýshylar, matematikter jáne tipti hostes qyzmeti de bar.
Qai mamandyqtar "joiylady"?
Eńbek ministrliginiń málimetinshe, olar taldaý júrgizip, osal jáne bolashaǵy bar negizgi mamandyq toptaryn anyqtaǵan. Qaýip aimaǵyna "aqparatty óńdeý, qujat ainalymy jáne qarapaiym operatsiialyq mindetterge" bailanysty kásipter kirgen.
"Bul sanatqa ákimshilik jáne keńse qyzmetteri jatady: hatshylar, kómekshiler, operatorlar, is júrgizýshiler, býhgalterlik jáne esep qyzmetkerleri. Dál osy mamandyqtardyń mindetteri avtomattandyrýǵa kóbirek ushyraidy, óitkeni olardyń fýnktsiialarynyń basym bóligi jasandy intellekt pen tsifrlyq sheshimder arqyly oryndala alady", – dedi ministrlik Tengrinews.kz redaktsiiasynyń resmi saýalyna jaýapta.
Qaýip tóngen mamandyqtar
Bolashaqta qaitalanatyn jumysty atqaratyn mamandyqtar da joǵalýy múmkin:
- konveier men qurastyrý jelisindegi jumysshylar – óndiristiń robottandyrylýyna bailanysty;
- jeńil jáne júk kólikteriniń júrgizýshileri – júrgizýshisiz kólikterdiń paida bolýyna bailanysty;
- kassirler – ózine-ózi qyzmet kórsetý kassalary men avtomattandyrylǵan júielerdiń engizilýine bailanysty;
- koll-ortalyq operatorlary – olardy jasandy intellekt pen chat-bottar almastyrýy múmkin;
- traktorshylar men kombain júrgizýshileri – aýyl sharýashylyǵynda avtomattandyrylǵan tehnikanyń engizilýine bailanysty.
Ministrlik tsifrlandyrý, klimattyń ózgerýi jáne demografiialyq jaǵdai da qatarlas salalarǵa áser etýi múmkin ekenin atap ótken.
