Bolashaq Qazaqstan bilimdi jastardyń qolynda
Alǵashqy kezden bastap-aq elimizde bilim salasyn damytý úshin túrli oqý oryndary ashylyp, mamandardy daiarlai bastady. Jastarymyz iri qalalarmen qatar shaǵyn eldi mekenderde de bilimin tolyqtyryp, belgili bir salanyń mamany atandy. Al Táýelsiz eldiń eń basty jetistigi – «Bolashaq» halyqaralyq baǵdarlamasy bolatyn. Myńdaǵan stýdent Eýropanyń, AQSh-tyń, Aziianyń alpaýyt elderindegi beldi ýniversitetterge túsip, jańa bilim kókjiegine shyǵyp, maman iesi atanyp elge oralýda. «Bolashaq» Qazaqstannyń bolashaǵyn qalyptastyrýda zor úles qosýda.
Al otandyq beldi ýniversitetter álemniń úzdik TOP-200 JOO sanatynan tabylýda. Jáne de alys-jaqyn shetel stýdentteri de bizdiń elde oqyp, maman atanýda.
Qazaqstan 30 jyldyń ishinde myńdaǵan mektep ashyp, júzdegen oqý orynnyń bazasyn kúsheitti.
– Biz osyndai múmkinshilikterdi paidalanyp, oqyp, bilim alyp, memlekettiń órkendeýine, eldiń irkilmei damýyna ózimizdiń úlesimizdi qosýymyz qajet. Mekteptiń baǵdarlamasy bolsyn, joǵarǵy oqý oryndarynyń bilim berý júiesi bolsyn, álemdik deńgeide básekege qabiletti tulǵalardy, mamandardy daiarlaýda. Men osyndai táýelsiz elde bilim alyp, zeiinimdi keńeitip jatqanyma qýanyshtymyn. Memleket jastardyń saýatty bolýyna, bilikti maman bolyp shyǵýyna barlyq múmkindikti jasap otyr, – deidi elordalyq stýdent Jansaia Máýlen.
Jalpy Qazaqstanda memlekettik tilde oqityn stýdentterdiń úlesi – 65%, orys tilinde – 30%, al 5 paiyzy aǵylshyn tilinde bilim alady.
https://youtu.be/otHApnZZKa4
