Jetisý oblysynda jastar arasynda salaýatty ómir saltyn nasihattaý jáne nashaqorlyqtyń aldyn alý maqsatynda «Bolashaǵyń – óz qolyńda» taqyrybynda aqparattyq-túsindirý kezdesýi uiymdastyryldy, dep habarlaidy Dalanews.kz.
Is-sharaǵa kolledj stýdentteri qatysyp, ziiandy ádetterdiń aldyn alý, salaýatty ómir saltyn qalyptastyrý jáne jastardyń sanaly ómirlik ustanymyn damytý baǵytynda mańyzdy aqparat aldy.
Kezdesý barysynda jastarǵa esirtki jáne psihotroptyq zattardyń adam densaýlyǵyna, psihologiialyq jaǵdaiyna jáne qoǵamdaǵy ornyna tigizetin keri áseri týraly jan-jaqty túsindirildi. Mamandar nashaqorlyqtyń aldyn alý joldary, ziiandy ádetterden saqtaný jáne ár adamnyń óz bolashaǵyna jaýapkershilikpen qaraýy týraly aityp ótti.
Shara aiasynda arnaiy shaqyrylǵan sala mamandary esirtki zattarynyń adam ómirine tigizetin ziiany, onyń densaýlyqqa, bolashaqqa jáne áleýmettik jaǵdaiǵa áseri týraly keńinen toqtalyp, quqyqtyq jaýapkershilik máselelerin de túsindirdi.
Politsiia maiory Dastan Malikjanuly Myrzaqulov jastar arasynda esirtki quqyqbuzýshylyqtarynyń aldyn alý – mańyzdy basym baǵyttardyń biri ekenin atap ótti. Ol esirtki zattaryn qoldaný adam densaýlyǵyna, bolashaǵyna jáne qoǵamdaǵy ornyna zor qaýip tóndiretinin, sondai-aq mundai áreketter zań aldynda qylmystyq jaýapkershilikke ákeletinin erekshe atap ótti. Spiker jastardy salaýatty ómir saltyn ustanýǵa, óz bolashaǵyna jaýapkershilikpen qaraýǵa jáne ziiandy ádetterden aýlaq bolýǵa shaqyrdy.
Kezdesý ashyq dialog formatynda ótip, oǵan 100-ge jýyq stýdent qatysyp, ózderin tolǵandyrǵan suraqtaryn qoiyp, mamandarmen pikir almasty. Mundai format jastarǵa óz oilaryn erkin bildirýge jáne qoǵamdaǵy ózekti máselelerdi talqylaýǵa múmkindik berdi.
Atalǵan is-shara jastardyń aqparattyq jáne quqyqtyq saýattylyǵyn arttyrýǵa, olardyń ziiandy ádetterden aýlaq bolýyna jáne salaýatty ómir saltyn tańdaýǵa baǵyttalǵan mańyzdy profilaktikalyq alańǵa ainaldy. Sonymen qatar, kezdesý jastardyń óz bolashaǵyna jaýapkershilikpen qarap, qoǵamdaǵy jaǵymsyz qubylystarǵa qarsy belsendi azamattyq ustanym qalyptastyrýyna yqpal etti.
