Qazaqstan Úkimeti halyqaralyq «Bolashaq» stipendiiasyn taǵaiyndaý qaǵidalaryna ózgerister engizdi, , dep habarlaidy dalanews.kz.
Jańa ózgeristerge sáikes, taǵylymdamadan ótýge úmitkerler úshin eńbek ótiline qoiylatyn talaptar naqtylandy. Onyń ishinde jasandy intellekt júielerimen jumys isteitin mamandar da qamtyldy.
Sonymen qatar atom salasy qyzmetkerlerine magistratýra jáne PhD baǵdarlamalary boiynsha bilim alýǵa ótinish berý múmkindigi qarastyryldy.
Magistratýra baǵdarlamasyna túsýshiler úshin negizgi talaptar ózgerissiz qaldy. Úmitkerler sheteldiń jetekshi joǵary oqý oryndarynan shartsyz qabyldaý alýy, shetel tilin meńgerýi jáne diplomdaǵy ortasha kórsetkishi keminde 3.0 GPA bolýy tiis.
Budan bólek, qujattardy eGov portaly arqyly tapsyrý talaby bekitildi. Sondai-aq oqý aiaqtalǵannan keiin mindetti eńbek óteý normasy saqtalady.
Ózgerister joǵary bilikti kadrlardy daiarlaý júiesin jetildirýge jáne basym salalarǵa mamandar tartýǵa baǵyttalǵan.
