Ekologıa jáne tabıǵı resýrstar mınıstrliginiń «Bókeıorda» memlekettik tabıǵı rezervaty RMM bas dırektory jemqorlyqpen kúdikke ilindi, dep habarlaıdy Dalanews.kz.

Batys Qazaqstan oblysy boıynsha Sybaılas jemqorlyqqa qarsy qyzmetimen «Ekologıa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń «Bókeıorda» memlekettik tabıǵı rezervaty» RMM-niń bas dırektoryna qatysty qylmystyq is tergelýde.

Ol rezervatta shyn máninde eńbek qyzmetin atqarmaǵan tulǵaǵa jalaqyny zańsyz esepteý arqyly iri mólsherde búdjet qarajatyn jymqyrdy degen kúdikke ilindi.

Kúdikti sottyń sanksıasymen qamaýǵa alyndy.

Qazirgi ýaqytta onyń basqa qylmystarǵa qatysy tekserilýde.

Tergeý jalǵasýda.

Qylmystyq-prosestik kodekstiń 201-babyna sáıkes ózge aqparat jarıa etýge jatpaıdy.

Konstıtýsıasynyń 77-baby 3-tarmaǵynyń 1-tarmaqshasyna jáne Qylmystyq-prosestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.