ەكولوگيا جانە تابيعي رەسۋرستار مينيسترلىگىنىڭ «بوكەيوردا» مەملەكەتتىك تابيعي رەزەرۆاتى رمم باس ديرەكتورى جەمقورلىقپەن كۇدىككە ءىلىندى، دەپ حابارلايدى Dalanews.kz.

باتىس قازاقستان وبلىسى بويىنشا سىبايلاس جەمقورلىققا قارسى قىزمەتىمەن «ەكولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ «بوكەيوردا» مەملەكەتتىك تابيعي رەزەرۆاتى» ءرمم-نىڭ باس ديرەكتورىنا قاتىستى قىلمىستىق ءىس تەرگەلۋدە.

ول رەزەرۆاتتا شىن مانىندە ەڭبەك قىزمەتىن اتقارماعان تۇلعاعا جالاقىنى زاڭسىز ەسەپتەۋ ارقىلى ءىرى مولشەردە بيۋدجەت قاراجاتىن جىمقىردى دەگەن كۇدىككە ءىلىندى.

كۇدىكتى سوتتىڭ سانكسياسىمەن قاماۋعا الىندى.

قازىرگى ۋاقىتتا ونىڭ باسقا قىلمىستارعا قاتىسى تەكسەرىلۋدە.

تەرگەۋ جالعاسۋدا.

قىلمىستىق-پروسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.

كونستيتۋسياسىنىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.