Májilis otyrysynan keiin depýtat Baqytjan Bazarbek qoǵamdyq belsendi Sanjar Bokaevtyń ustalýyna qatysty pikir bildirdi, dep habarlaidy Dala News.
Onyń aitýynsha, bul aqparatty ol plenarlyq otyrys kezinde ǵana estigen jáne istiń mán-jaiymen tolyq tanyspaǵan.
«Men bul týraly endi ǵana estidim. Men zańgermin, biraq qujattardy kórgen joqpyn, qazir tergeý júrip jatyr. Sanjardyń advokaty bar. Advokattar men prokýratýra tergeýdi aiaqtap, dálelderin usynsyn. Qazir naqty nege negizdelgenin bilmeimiz», - dedi Bazarbek.
Depýtat Bokaevpen jeke tanys ekenin de aitty, alaida isti birden saiasi qýdalaý dep baǵalaýǵa qarsy ekenin jetkizdi.
«Sanjardyń qoǵamdaǵy róli erekshe. Ol ózekti máselelerdi kóterdi, onyń jumysynyń arqasynda keibir zańbuzýshylyqtar ashyldy. Biz bailanysta boldyq, eki ret kezdesip, suhbat bergenmin. Biraq qandai jaǵdai bolsa da, tergeýdiń aiaqtalǵanyn kútý kerek. Aldymen prokýrorlardyń aiyptaý aktisin kórý qajet, sodan keiin ǵana qorytyndy jasaýǵa bolady. Asyǵys sheshim qabyldaýǵa bolmaidy», - dedi depýtat.
Bazarbek barlyq taraptyń dálelderi usynylǵannan keiin ǵana ádil baǵa berý qajet ekenin atap ótti.
