Almaty qalasyndaǵy BNC Plaza biznes-ortalyǵynyń jer ýchaskesi sońǵy jyldary kópshilik nazarynda tur. Bolat Nazarbaevtyń burynǵy áieli Maira Qurmanǵalieva men onyń ápkesi Gúljamal 1999 jyly jasalǵan mámileni qaita qaraýdy surap, sotqa aryz túsirgen. Olardyń aitýynsha, Bolat Nazarbaev osy mámile arqyly olardyń ákesi Qurmanǵali Saýdabaevtan zańsyz jer alǵan, dep habarlaidy Dalanews.kz.
Qorǵaýshylardyń pikirinshe, mámile kezinde kelisimshart jasalǵan qujattyń zańsyz ekeni baiqalǵan. Notariýs qujatty bekitpegen, mórde qate bar, al Saýdabaevtyń jerge menshik quqyǵy bolǵan joq. Qazir atalǵan jer ýchaskesi Bolat Nazarbaevtyń uly Nurbol Nazarbaevqa tiesili zańdy tulǵaǵa kóshken, al obekt muralyq múlikten shyǵarylǵan.
Sot bul isti birneshe ret qaraýdan bas tartqan, sebebi 15 yqtimal muragerdiń árqaisysynyń mura alǵany týraly kýálikteri joq. Degenmen zańgerlerdiń aitýynsha, bul obekt zańdy túrde muragerlermen bailanyspaidy.
Talap-aryz birneshe ret qaitarylǵan, biraq qujattar qosa berilgen. Sonymen qatar talapkerler sotty aldyn ala sheshim shyǵarý men isti sozbalańǵa salǵany úshin de aiyptap otyr. Sebebi buǵan deiin Nazarbaevtar otbasynyń paidasyna osyndai daýlar sheshilgen bolatyn.
