Qazaqstannan baspana surap, alaida bas tartý jaýabyn alǵan reseilik belsendi Iýliia Emelianova BUU-nyń Adam quqyqtary jónindegi komitetine júginip, ózin Reseige ekstraditsiialaýdy toqtatýdy surady, dep habarlaidy dalanews.kz.
Emelianovanyń múddesin qorǵaityn zańger Vadim Drozdovtyń aitýynsha, kassatsiialyq is júrgizý aiaqtalǵannan keiin ony ekstraditsiialaýǵa kedergi bolatyn ishki quqyqtyq tetikter qalmaǵan.
«Sondyqtan biz BUU-nyń Adam quqyqtary jónindegi komitetinen shuǵyl qamtamasyz etý sharalaryn qoldanýdy suradyq. Aqpan aiynda Resei biligi ekstraditsiialaýǵa umtylyp otyrǵan Mansýr Movlaevtyń isi boiynsha da shaǵym bergen edim. Sol kezde komitet Qazaqstannan shaǵym tolyq qaralǵanǵa deiin ony Reseige bermeýdi talap etken bolatyn. Qazir Iýliianyń isinde de komitet yqtimal táýekelderdi qarastyrǵanǵa deiin onyń ekstraditsiiasyna jol bermeý mańyzdy», – dedi Drozdov QazTAG tilshisine bergen pikirinde.
Zańger bosqyndar quqyǵy, deportatsiia jáne ekstraditsiia isteri boiynsha qorǵaýmen, sondai-aq Interpol derekqorynan málimetterdi alyp tastaý máselelerimen ainalysady.
