الماتى قالاسىنداعى BNC Plaza بيزنەس-ورتالىعىنىڭ جەر ۋچاسكەسٸ سوڭعى جىلدارى كٶپشٸلٸك نازارىندا تۇر. بولات نازارباەۆتىڭ بۇرىنعى ەيەلٸ مايرا قۇرمانعاليەۆا مەن ونىڭ ەپكەسٸ گٷلجامال 1999 جىلى جاسالعان مەمٸلەنٸ قايتا قاراۋدى سۇراپ, سوتقا ارىز تٷسٸرگەن. ولاردىڭ ايتۋىنشا, بولات نازارباەۆ وسى مەمٸلە ارقىلى ولاردىڭ ەكەسٸ قۇرمانعالي ساۋداباەۆتان زاڭسىز جەر العان, دەپ حابارلايدى Dalanews.kz.
قورعاۋشىلاردىڭ پٸكٸرٸنشە, مەمٸلە كەزٸندە كەلٸسٸمشارت جاسالعان قۇجاتتىڭ زاڭسىز ەكەنٸ بايقالعان. نوتاريۋس قۇجاتتى بەكٸتپەگەن, مٶردە قاتە بار, ال ساۋداباەۆتىڭ جەرگە مەنشٸك قۇقىعى بولعان جوق. قازٸر اتالعان جەر ۋچاسكەسٸ بولات نازارباەۆتىڭ ۇلى نۇربول نازارباەۆقا تيەسٸلٸ زاڭدى تۇلعاعا كٶشكەن, ال وبەكت مۇرالىق مٷلٸكتەن شىعارىلعان.
سوت بۇل ٸستٸ بٸرنەشە رەت قاراۋدان باس تارتقان, سەبەبٸ 15 ىقتيمال مۇراگەردٸڭ ەرقايسىسىنىڭ مۇرا العانى تۋرالى كۋەلٸكتەرٸ جوق. دەگەنمەن زاڭگەرلەردٸڭ ايتۋىنشا, بۇل وبەكت زاڭدى تٷردە مۇراگەرلەرمەن بايلانىسپايدى.
تالاپ-ارىز بٸرنەشە رەت قايتارىلعان, بٸراق قۇجاتتار قوسا بەرٸلگەن. سونىمەن قاتار تالاپكەرلەر سوتتى الدىن الا شەشٸم شىعارۋ مەن ٸستٸ سوزبالاڭعا سالعانى ٷشٸن دە ايىپتاپ وتىر. سەبەبٸ بۇعان دەيٸن نازارباەۆتار وتباسىنىڭ پايداسىنا وسىنداي داۋلار شەشٸلگەن بولاتىن.
