Mańǵystaý oblysynyń ákimdigi qaza tapqan áskeri qyzmetshilerdiń otbasylaryna qarjylai kómek kórsetý tolyǵymen erikti ekenin málimdedi. Ákimdik turǵyndarǵa, kásipkerlerge, uiymdar men olardyń qyzmetkerlerine aqsha jinaý nemese bir kúndik jalaqysyn aýdarý jóninde tapsyrma berilmegenin jetkizdi, dep habarlaidy dalanews.kz.
Qaza tapqan áskeri qyzmetshilerdiń otbasylaryna qoldaý bildirgisi keletin azamattar men uiymdar úshin arnaiy biryńǵai qor jumys isteidi.
"Qarajat tek erikti túrde jinalady. Oblys ákimdigi tarapynan azamattarǵa, kásipkerlerge, uiymdarǵa nemese olardyń qyzmetkerlerine qarajat aýdarý týraly eshqandai tapsyrma, talap nemese nusqaý berilgen joq jáne berilmeidi. Sondai-aq qyzmetkerlerdiń bir kúndik jalaqysyn aýdarýy týraly eshqandai tapsyrma berilgen joq. Jalaqyny kómek retinde aýdarý mindetti emes jáne ár qyzmetkerdiń jeke sheshimi", – delingen ákimdiktiń habarlamasynda.
Kómek kórsetkisi keletinder qordyń resmi derektemeleri arqyly erikti túrde aqsha aýdara alady. Sondai-aq qaza tapqan áskeri qyzmetshilerdiń jaqyndaryna tikelei materialdyq qoldaý kórsetýge bolady.
"Kómek kórsetý nemese kórsetpeý – ár adamnyń jeke sheshimi. Qarajat aýdarýǵa eshkimdi májbúrleýge bolmaidy", - dep eskertti oblys ákimdigi.
