Quryltai depýtattary Mańǵystaý oblysyndaǵy áskeri oqý-jattyǵý kezinde qaza tapqan jáne zardap shekken áskeri qyzmetshilerdiń otbasylaryna kómek kórsetý úshin 146 mln 650 myń teńge jinady, dep habarlaidy dalanews.kz.
Quryltai Biýrosynyń otyrysy qaza tapqan áskeri qyzmetshilerdi bir minýt únsizdikpen eske alýdan bastaldy. Quryltai tóraǵasy Aibek Dádebai marqumdardyń otbasy men jaqyndaryna kóńil aitty.
«Mańǵystaý oblysynda qyzmettik mindetterin atqarý kezinde áskeri qyzmetshilerdiń qaza bolýy – búkil halqymyz úshin úlken qaiǵy. Osyǵan bailanysty Memleket basshysy 25 qyrkúiekti jalpyulttyq aza tutý kúni dep jariialady. Barlyq depýtattardyń atynan qaza tapqan azamattardyń otbasylaryna kóńil aitamyn. Bul bárimiz úshin orny tolmas qasiret», – dedi Aibek Dádebai.
Otyrysta Quryltai tóraǵasy men depýtattary áskeri qyzmetshilerdiń otbasylaryna kómek kórsetý úshin erikti túrde qarajat jinaýdy qoldady.
Qazirgi ýaqytta depýtattardyń jeke qarajaty esebinen 146 mln 650 myń teńge jinalǵan. Bul qarajat «Ulttyq rýh» qoryna aýdarylady. Qarajat jinaý áli de jalǵasyp jatyr.
Iri kólemde qarjy aýdarǵandardyń qatarynda Aidarbek Qojanazarov, Rýslan Idrisov, Meiirhat Qasymbaev, Bekjan Aitqulov jáne Mahambet Hasenov bar. Olar árqaisysy 20 mln teńgeden bóldi.
Dana Medeýova, Aijan Naimbekova jáne Baýyrjan Jamalov 10 mln teńgeden, Turarbek Tilemisov, Muratbek Muhambediev jáne Musa Hairýlliev 5 mln teńgeden aýdardy. Begaly Eraliev 500 myń teńge bóldi. Odan bólek, basqa da depýtattar qarjylai kómek kórsetken.
