"Kremlmen alys-beristi úze qoimaǵan elderge keńshilik jasaityn zaman kelmeske ketti. Sanktsiiaǵa qosylmaýdyń amalyn taýyp, san túrli syltaý aityp úirengender budan bylai AQSh-tyń qaharyna ushyraidy. Reseimen aradaǵy ekonomikalyq bailanysty údetip, qulqyny ashylǵan bularǵa tańdaý jasaý týraly talap qoiylady", – dep jazady amerikalyq basylym.
Bloomberg-tyń aitýynsha amerikanyń Qarjy ministrliginde isteitin bir top shendi osy messedjdi jetkizý úshin Túrkiia men Birikken Arab ámirligine attanǵan. Aq úi ideologtary aldaǵy kúnderi Beijińniń ókilderimen júzdesip, "AQSh pen Batys sanktsiialyq soǵystyń kelesi satysyna kóshkenin" habarlaidy.
Dalainside memhatshy Blinkenniń Ortalyq Aziia saparynda ekonomikalyq áriptestikten bólek sanktsiia máselesi sóz bolady dep topshylaidy. Negizgi aýyrtpalyq – Astana men Tashkentke túskeli otyr.
"Memhatshy aimaqtaǵy esep-qisapty dollarmen júrgizetin kompaniialarǵa aqparattyq-túsindirý dárisin ótkizedi", – deidi Bloomberg bul oraida.
Túsingenimiz, AQSh aimaq basshylarynyń saiasi pozitsiiasyna sabyrmen qarasa da, korporativtik sektordyń beitarap ustanymyn keshirmeidi. Aimaqtaǵy qarjy institýttary men kompaniialar Reseimen aradaǵy kommertsiiany kidirtýi nemese kilt úzýi tiis. Áitpese, qolymen istegendi, moinymen kóteredi. Blinken osyny aitýǵa kele jatyr. Nege?
"Aq úi Reseimen aýyly aralas, qoiy qoralas elderdiń basqynshy memleketke járdemdesip, túrli turmystyq (kirjýǵysh, shańsorǵysh t.b) tehnikany jetkizip jatqanyn biledi. Reseidiń Qorǵanys ministrligi bulardyń boiyndaǵy chipti julyp alyp, qarý-jaraq óndirisine jumsaýda", - deidi Bloomberg.
Sý jańa sanktsiia paketin súzip shyqqan Dalainside kelesidei qyzyqty málimet tapty.
AQSh Resei men Belarýske quny 300 dollardan asatyn smartfondar men jylytý peshterin, ydys-aiaq jýatyn máshine jáne printerlerdi tasymaldaýǵa tyiym salypty. Quny 750 dollardan asatyn tońazytqyshtar, jeldetkishter men konditsionerler de budan bylai Resei naryǵyna kirmeidi. Áńgime, taǵy sol chipke tirelip tur.
Aitqandai, Batystan qol úzgisi kelmeitin qarjy institýttary men kompaniialar sanktsiianyń jańa paketine sai qaramaǵyndaǵy Resei aktivi týraly málimet berýi tiis.
Bizge jetken aqparat boiynsha osy saparda Blinken Qańtar tragediiasynyń egjei-tegjeiin surap, Aqordanyń ne sebepti ODKB kómegine súiengenin bilmek oiy bar. Ol bul saýalǵa byltyrdan beri jaýap ala almai júr.
"ODKB – Reseidiń ashsa alaqanynda, jumsa judyryǵyndaǵy áskeri qurylym. Qazaq biligi muny bile tura, qaýipti qadamǵa bardy. Biz budan sekem alyp qaldyq", – degen edi AQSh memhatshysy.
Blinkenniń sapary Kreml propagandasynyń qabyrǵasyna batýda. Reseidiń Syrtqy ister ministrligi aimaq elderin Aýǵanstanmen qorqytyp otyr. "Blinkenniń astyna kópshik qoimańyzdar, jetegine ermeńizder. Olar aýǵan jeriniń toz-tozyn shyǵardy. Amerika árdaiym bir barmaǵyn búgip júredi", – deidi.
C5+1 formatyndaǵy Blinken bastaǵan amerikalyq delegatsiia men Orta Aziia Syrtqy ister ministrleriniń kezdesýi 28-shi aqpanda ótedi.
Dalainside bul týraly áli de qaýzai jazbaqshy, arnaǵa tirkelýdi umytpańyz?
Munda kirińiz
https://dalanews.kz/kogam/86803-aqzholdyqtardyng-tarazdagy-kezdesu
https://dalanews.kz/news/86772-amanat-tyng-saylaualdy-shtaby-shalgaydagy-auy
https://dalanews.kz/aimak/86754-shqo-da-algys-aytu-kunine-oray-96-is-shara-o
https://dalanews.kz/news/86758-qazaqstanda-135-myng-shetel-azamaty-zhumys
