"كرەملمەن الىس-بەرٸستٸ ٷزە قويماعان ەلدەرگە كەڭشٸلٸك جاسايتىن زامان كەلمەسكە كەتتٸ. سانكتسيياعا قوسىلماۋدىڭ امالىن تاۋىپ, سان تٷرلٸ سىلتاۋ ايتىپ ٷيرەنگەندەر بۇدان بىلاي اقش-تىڭ قاھارىنا ۇشىرايدى. رەسەيمەن اراداعى ەكونوميكالىق بايلانىستى ٷدەتٸپ, قۇلقىنى اشىلعان بۇلارعا تاڭداۋ جاساۋ تۋرالى تالاپ قويىلادى", – دەپ جازادى امەريكالىق باسىلىم.
Bloomberg-تىڭ ايتۋىنشا امەريكانىڭ قارجى مينيسترلٸگٸندە ٸستەيتٸن بٸر توپ شەندٸ وسى مەسسەدجدٸ جەتكٸزۋ ٷشٸن تٷركييا مەن بٸرٸككەن اراب ەمٸرلٸگٸنە اتتانعان. اق ٷي يدەولوگتارى الداعى كٷندەرٸ بەيجٸڭنٸڭ ٶكٸلدەرٸمەن جٷزدەسٸپ, "اقش پەن باتىس سانكتسييالىق سوعىستىڭ كەلەسٸ ساتىسىنا كٶشكەنٸن" حابارلايدى.
Dalainside مەمحاتشى بلينكەننٸڭ ورتالىق ازييا ساپارىندا ەكونوميكالىق ەرٸپتەستٸكتەن بٶلەك سانكتسييا مەسەلەسٸ سٶز بولادى دەپ توپشىلايدى. نەگٸزگٸ اۋىرتپالىق – استانا مەن تاشكەنتكە تٷسكەلٸ وتىر.
"مەمحاتشى ايماقتاعى ەسەپ-قيساپتى دوللارمەن جٷرگٸزەتٸن كومپانييالارعا اقپاراتتىق-تٷسٸندٸرۋ دەرٸسٸن ٶتكٸزەدٸ", – دەيدٸ Bloomberg بۇل ورايدا.
تٷسٸنگەنٸمٸز, اقش ايماق باسشىلارىنىڭ ساياسي پوزيتسيياسىنا سابىرمەن قاراسا دا, كورپوراتيۆتٸك سەكتوردىڭ بەيتاراپ ۇستانىمىن كەشٸرمەيدٸ. ايماقتاعى قارجى ينستيتۋتتارى مەن كومپانييالار رەسەيمەن اراداعى كوممەرتسييانى كٸدٸرتۋٸ نەمەسە كٸلت ٷزۋٸ تيٸس. ەيتپەسە, قولىمەن ٸستەگەندٸ, موينىمەن كٶتەرەدٸ. بلينكەن وسىنى ايتۋعا كەلە جاتىر. نەگە?
"اق ٷي رەسەيمەن اۋىلى ارالاس, قويى قورالاس ەلدەردٸڭ باسقىنشى مەملەكەتكە جەردەمدەسٸپ, تٷرلٸ تۇرمىستىق (كٸرجۋعىش, شاڭسورعىش ت.ب) تەحنيكانى جەتكٸزٸپ جاتقانىن بٸلەدٸ. رەسەيدٸڭ قورعانىس مينيسترلٸگٸ بۇلاردىڭ بويىنداعى چيپتٸ جۇلىپ الىپ, قارۋ-جاراق ٶندٸرٸسٸنە جۇمساۋدا", - دەيدٸ Bloomberg.
سۋ جاڭا سانكتسييا پاكەتٸن سٷزٸپ شىققان Dalainside كەلەسٸدەي قىزىقتى مەلٸمەت تاپتى.
اقش رەسەي مەن بەلارۋسكە قۇنى 300 دوللاردان اساتىن سمارتفوندار مەن جىلىتۋ پەشتەرٸن, ىدىس-اياق جۋاتىن مەشٸنە جەنە پرينتەرلەردٸ تاسىمالداۋعا تىيىم سالىپتى. قۇنى 750 دوللاردان اساتىن توڭازىتقىشتار, جەلدەتكٸشتەر مەن كونديتسيونەرلەر دە بۇدان بىلاي رەسەي نارىعىنا كٸرمەيدٸ. ەڭگٸمە, تاعى سول چيپكە تٸرەلٸپ تۇر.
ايتقانداي, باتىستان قول ٷزگٸسٸ كەلمەيتٸن قارجى ينستيتۋتتارى مەن كومپانييالار سانكتسييانىڭ جاڭا پاكەتٸنە ساي قاراماعىنداعى رەسەي اكتيۆٸ تۋرالى مەلٸمەت بەرۋٸ تيٸس.
بٸزگە جەتكەن اقپارات بويىنشا وسى ساپاردا بلينكەن قاڭتار تراگەديياسىنىڭ ەگجەي-تەگجەيٸن سۇراپ, اقوردانىڭ نە سەبەپتٸ ودكب كٶمەگٸنە سٷيەنگەنٸن بٸلمەك ويى بار. ول بۇل ساۋالعا بىلتىردان بەرٸ جاۋاپ الا الماي جٷر.
"ودكب – رەسەيدٸڭ اشسا الاقانىندا, جۇمسا جۇدىرىعىنداعى ەسكەري قۇرىلىم. قازاق بيلٸگٸ مۇنى بٸلە تۇرا, قاۋٸپتٸ قادامعا باردى. بٸز بۇدان سەكەم الىپ قالدىق", – دەگەن ەدٸ اقش مەمحاتشىسى.
بلينكەننٸڭ ساپارى كرەمل پروپاگانداسىنىڭ قابىرعاسىنا باتۋدا. رەسەيدٸڭ سىرتقى ٸستەر مينيسترلٸگٸ ايماق ەلدەرٸن اۋعانستانمەن قورقىتىپ وتىر. "بلينكەننٸڭ استىنا كٶپشٸك قويماڭىزدار, جەتەگٸنە ەرمەڭٸزدەر. ولار اۋعان جەرٸنٸڭ توز-توزىن شىعاردى. امەريكا ەردايىم بٸر بارماعىن بٷگٸپ جٷرەدٸ", – دەيدٸ.
C5+1 فورماتىنداعى بلينكەن باستاعان امەريكالىق دەلەگاتسييا مەن ورتا ازييا سىرتقى ٸستەر مينيسترلەرٸنٸڭ كەزدەسۋٸ 28-شٸ اقپاندا ٶتەدٸ.
Dalainside بۇل تۋرالى ەلٸ دە قاۋزاي جازباقشى, ارناعا تٸركەلۋدٸ ۇمىتپاڭىز?
مۇندا كٸرٸڭٸز
https://dalanews.kz/kogam/86803-aqzholdyqtardyng-tarazdagy-kezdesu
https://dalanews.kz/news/86772-amanat-tyng-saylaualdy-shtaby-shalgaydagy-auy
https://dalanews.kz/aimak/86754-shqo-da-algys-aytu-kunine-oray-96-is-shara-o
https://dalanews.kz/news/86758-qazaqstanda-135-myng-shetel-azamaty-zhumys
