Qazaqstandyq bloger Álisher Elikbaev ózine túsken tabystan 5 mln teńge salyq tóleýdi talap etken Qarjy ministrligi Memlekettik kirister komitetimen jarty jyl sottasyp, aqyry ádildikke jetkenin málimdedi, dep habarlaidy Dalanews.kz.
Esterińizde bolsa, aqpan aiynda Qazaqstanda júzdegen bloger salyq organdarynan habarlama alǵany belgili.
"Birneshe joldasyma 1 mlrd teńge, ondaǵan infliýenserdegi dostaryma 100 mln teńge, al ózge basym bóligine 20-dan 100 million teńgege deiin salyq tóleýdi talap etken habarlama kelgen, al myna paqyrlaryńyzǵa eki jylǵa bar-joǵy 5 million teńge jazypty", - dep jazady qaǵyta bloger Facebook-tegi paraqshasynda.
Elikbaevtyń aitýynsha, onyń aldyna tartylǵan somalar óz paraqshasyna jazylýshylarmen birlesip uiymdastyrǵan qaiyrymdylyq alymdarymen bailanysty. Sondai jobalardyń qatarynda balalar hospisine reanimobil satyp alý, Minskide naýqastarǵa búirek transplantatsiiasy boiynsha kómek kórsetý, sondai-aq Ýkrainada dárigerlerge meditsinalyq jabdyqtar satyp alý syndy qaiyrymdylyq aktsiialary kiredi.
"Bul alymdarǵa salyq salynbaidy, óitkeni bul meniń kiristerim emes, aqsha qaiyrymdylyq qorlaryna, klinikalarǵa, avtoóndirýshilerge nemese meditsinalyq jabdyqtardyń distribiýtorlaryna tústi", - deidi Elikbaev.
Ol salyq qyzmetkerleriniń qabyldaýynda bolyp, olarǵa qansha aqsha jinalǵanyn, qanshasyna qaiyrymdylyq zaty satyp alynǵany jáne ony tapsyrý sátterin aiǵaqtaityn qujattardy usynǵanyn aitady. Alaida, onyń aitýynsha, bul dálelder Memlekettik kirister komitetiniń bir de bir deńgeiinde eskerilmegen. Sol sebepti Álisher Elikbaev sotqa júginý týraly sheshim qabyldaidy.
Jarty jyl ýaqyt ketken sotta aqyrynda: "Salyq organy qyzmetkerleriniń áreketteri zańsyz dep tanylsyn, tolyqqandy salyqtyq tekserýden bas tartylsyn" delingen sheshim shyǵaryldy.
Aita ketsek, 2025 jyldyń aqpan aiynda memlekettik kirister komiteti 594 blogerge 53,3 mlrd teńge somasyna "kiristerdi tómendetip kórsetý" boiynsha buzýshylyqtarǵa jol bergeni týraly habarlamalar joldady. Al birneshe kúnnen keiin vedomstvo habarlamalardy jiberý kezinde tehnikalyq aqaýlar bolǵanyn málimdedi, sodan keiin MKK 9,8 mlrd teńgege 93 blogerge jiberilgen 169 habarlamany keri qaitaryp aldy. Alaida, aqpan aiynyń sońynda komitet 854 blogerge 71,9 mlrd teńge somasyna "kiristerdi tómendetý" buzýshylyqtary boiynsha kameraldyq baqylaý habarlamalary joldanǵanyn málimdedi. Bul rette kórsetilgen somany salyq organy tólenbegen salyqtardyń somasy emes, blogerlerdiń salyq deklaratsiialarynda kórsetilmegen boljamdy kirister ekenin naqtylady.
