BJZQ-daǵy zeinetaqy aktivteriniń investitsiialyq kiristilik kórsetkishi osymen úshinshi ai teris mándi kórsetip otyr. 2025 jyldyń úsh aiynda BJZQ-daǵy zeinetaqy aktivteriniń kiristilik deńgeii minýs 1,97%-dy (bir ai buryn: -1,64%) qurady, dep habarlaidy Dalanews.kz qor deregine silteme jasai otyryp.
Osy kezeńge belgilengen jumys berýshiniń mindetti zeinetaqy jarnalary boiynsha kiristilik te teris mánge ie (-7,73%). Bul rette qańtar-naýryz ailarynda infliatsiia kórsetkishi 3,9% -dy qurady.
2025 jyldyń eki aiynda BJZQ salymshylary 370,56 mlrd teńge joǵaltty. Negizinen, qor aldaǵy eki aidaǵy teris mándi dollar syndy shetel valiýtasyndaǵy aktivter qunynyń sál tómendeýine bailanysty týyndaǵanyn, onyń ýaqytsha qubylys ekenin aitqan edi. Qor bul rette kem degende bir jyl kezeńindegi investitsiialyq kiristiń mólsherine basa mán berýge shaqyryp, apta saiynǵy jáne ailar boiynsha derekter naryqtaǵy jaǵdailarǵa bailanysty ózgerip otyratynyn eskertken.
Sońǵy 12 aida, iaǵni 2024 jylǵy naýryzdan 2025 jylǵy aqpan aralyǵyndaǵy investitsiialyq kiris mólsheri shamamen 2,7 trln teńgeni qurady.
Buǵan deiin saitymyzda "Zeinetaqy salymshylary jyl basynan beri 370,6 mlrd teńgesin joǵaltty. BJZQ men Ulttyq Bank ne deidi?" degen maqala jariialanǵan bolatyn. Sonai-aq qańtarda BJZQ shyǵynǵa ushyrap, qazaqstandyqtardyń shotyndaǵy aqsha kúrt azaiǵany habarlanǵan.
