Memleket basshysy Qasym-Jomart Toqaev Úkimettiń keńeitilgen otyrysynda el ekonomikasyn damytý men halyqtyń ál-aýqatyn arttyrýǵa baǵyttalǵan negizgi basymdyqtardy aiqyndady, dep habarlaidy Dalanews.kz.
Prezident iri infraqurylymdyq jobalardy júzege asyrý, tsifrlandyrý jáne jasandy intellektti damytý, iadrolyq energetikany ilgeriletý, agroónerkásip keshenin nyǵaitý jáne investitsiia tartý máselelerin basty nazarda ustaý qajet ekenin atap ótti.
“Ekonomikamyz damyp jatyr. Biraq onyń qarqyny oidaǵydai emes. Aldymyzda aýqymdy mindetter tur. Ony aldaǵy bes jylda oryndaýymyz kerek. Bizge, eń aldymen, bilikti jáne el múddesin oilaityn otanshyl kadrlar kerek. Dál osyndai mamandardy taýyp, olardy basshylyq laýazymdarǵa taǵaiyndaimyz”, - dedi ol.
Sonymen qatar Memleket basshysy halyqtyń ál-aýqatyn arttyrý basty maqsat ekenin erekshe atap ótip, barlyq jospardy sapaly oryndaý qajet ekenin eskertti.
“Búgin biz elimizdiń 2024 jylǵy damý nátijesin qaradyq. Qordalanǵan máselelerdi talqylap, aldaǵy mindetterdi aiqyndadyq. Basty maqsat – azamattardyń ál-aýqatyn arttyrý. Aldaǵy jospardyń bárin sapaly oryndaý qajet.
Sóz sońynda taǵy da atap ótkim keledi: bizge naqty nátije kerek. Nátije bolsa ǵana damý bolady”, - dep qosty ol.
