Memleket basshysy Referendým ýchaskesinde daýys bergennen keiin jýrnalisterdiń suraqtaryna jaýap bere otyryp, Qazaqstannyń Iran eline qatysty ustanymyn aitty, dep habarlaidy Dalanews.kz
Onyń aitýynsha, kez kelgen kikiljiń beibit jáne diplomatiialyq jolmen sheshilýi qajet.
«Qazaqstan álemge beibit el retinde belgili. Kez kelgen qaqtyǵysty diplomatiialyq jolmen sheshýdi jaqtaimyz. Bul –ainymas ustanymymyz. Taiaý Shyǵysta oryn alǵan jaǵdaidyń túrli sebebi bar. Men muny jaqynda ótken alqaly jiynda da aitqanmyn. Rasynda, Shyǵanaqtaǵy arab elderiniń basshylarymen telefon arqyly sóilestim, tilektes ekenimdi jetkizdim. Al Iran Prezidenti Pezeshkiannyń jaqynda elimizge resmi saparmen kelgenin bilesizder. Sol kezde jaqsy áser qaldyrdy. Ol – zaiyrly kózqarastaǵy adam, ózi kardiohirýrg. Men onyń Iran Shyǵanaq elderine shabýyl jasamaidy degen málimdemesin quptadym» – dedi Prezident.
Sondai-aq, ol Iran halqy týraly jyly lebiz bildirdi: «Biz Iran halqyna, onyń mádenieti men tarihyna qurmetpen qaraimyz. Sondyqtan óz ustanymymyzdan ainyǵan joqpyz, árdaiym beibitsúigish el bolyp qala beremiz».
