Bul kisiniń ýaǵyzdaryn tyńdaýǵa jinalatyn jurt ishke syimai, esiktiń aýzynda turady. Halyqty sózine uiytyp, aýzyna qaratatyndai sonshalyqty ne deidi eken?
Bul kisiniń esimi – Ábdiǵappar Smanov. Elimizdegi dini, áleýmettik taqyryptarǵa qatysty oi-pikirin únemi, ári der kezinde aityp júretin belgili ýaǵyzshynyń biri. Bul joly jinalǵan jamaǵattyń aldynda salafizm men ony ustanýshylar jaily óz pikirin jetkizipti.
Tipti, osy bir qaýipti aǵymdardy Qazaqstannyń óne-boiyna astyrtyn taratyp otyrǵan adamdardyń aty-jónderin de atapty. Alaida arasynda biz oilaǵan nemese biz boljaǵan tulǵalar joq. Smanovtyń aitýynsha, Qazaqstanda salafizm aǵymynyń tamyr jaiýyna – Dilmurat, Rinat jáne ýaǵyzshy atyn atamaýdy jón kórgen Dýshanbeden kelgen tájik jigiti sebepker bolyp otyr.
«Bular bizge basshylyq etip otyr. Olar ózderinshe anaý «biǵdat», mynaý «biǵdat» deidi. Beisharalarda bilim joq. Betin sipasa kápir, quran oqysa kápir deidi. Jaǵamyzdy ustatyp «Ólikke quran oqylmaidy» deidi. Sonda olardy qaida tastaimyz? Bular Muhammed paiǵambardyń (s.ǵ.s) ólikterge qatysty aitqan hadisin qaida tastaidy eken?» depti Ábdiǵappar Smanov
Smanov aitqandai salafitterdi qoldaityndar kim? Bul úsheýi de shetten kelgen. Demek, ishte bulardy shaqyrtqan jáne bulardyń kelýine muryndyq bolǵan taǵy bir top bolýy tiis qoi? Biz emes, el aitady. «Bekbolat Tileýhan men Daryn Mýbarovtan jáne bulardyń janynda júretin «Asyl arna» telearnasynyń basshysy Muhamedjan Tazabekovten qaýiptenemiz» deidi. Smanovtyń olarǵa qatysty oi-pikiri qandai eken?
Aitpaqshy, munymen shektelmegen. Saýd Arabiiasyna barǵandaǵy kórgen áserimen bólisipti.
«Olarda qurmet, izet degen nárse joq…Bireýdiń quly bolyp qalmaiyq. Sol jerde bir arabpen eregesip qaldym. «Sender durys musylman emessińder» dedim. «Nege?» dedi. «Biz uzaq jyl orystyń qol astynda boldyq. Dinimizden aiyryla jazdadyq. Egemendik alyp, eńsemiz kóterilip, meshitterimiz ashylyp endi oǵan imandyq qylatyn adam bolmaǵannan keiin senderdiń jurttaryńa jiberdik. Bul jer paiǵambardyń jurty ǵoi. Quran shyqqan el ǵoi dep jiberdik. Al sender bizge ne qaitardyńdar? Biz jibergen balalardyń barlyǵyn ózimizge dushpan qylyp qaitardyńdar. Sender musylmansyńdar ma? Joq, sender Allanyń dushpanysyńdar» dedim. Álgi jylap jiberdi...» deidi Smanov.
Osy ýaǵyzdyń videosyn salyp otyrmyz. Kórip oi-pikirińizdi bildirgińiz kelse, marhabat.
Dýman BYQAI
https://youtu.be/_hqkZ5vWqf8
