Bishkektegi jataqhanalardyń birinde sheteldik azamattarǵa shabýyl jasady dep kúdikpen úsh adam ustaldy, - dep habarlaidy Dalanews.kz.
kabar.kg málimetinshe, olar - M.N., 2006 jyly týǵan, Sh.T., 2005 jyly týǵan jáne N.B., 2005 jyly týǵan.
Kúdiktilerdiń úsheýi de ustalyp, ýaqytsha ustaý izoliatoryna qamaldy. Qylmystyq is boiynsha tergeý jalǵasyp jatyr.
Aita keteiik, 2024 jylǵy 13 mamyrǵa qaraǵan túni saǵat 02:00 shamasynda "Vostok-5" shaǵynaýdanynda bir top jigit sheteldik stýdenttermen kezdesken, olardan temeki surap, keiin nege bul jerde temeki shegetinin surap, tiise bastaǵan. Sodan keiin tóbeles bastalǵan.
Sheteldik stýdentter qashyp, ózderi turatyn A.Ogonbaev kóshesindegi jataqhanaǵa júgirgen. Belgisiz jigitter sheteldik stýdentterdi qýyp, olardyń artynan jataqhanaǵa kirgen. Onda turatyn shetel azamattaryna kúsh qoldaný arqyly qolma-qol aqsha men zattaryn alyp ketken.
Buǵan deiin Bishkekte bolǵan oqiǵadan deiin Pákistan Qyrǵyzstanda oqyp jatqan stýdentterin qaitaryp jatqany belgili boldy. Bul týraly Pákistannyń syrtqy ister ministri Muhammed Ishak Dar málimdedi.
"Keshe Pákistanǵa kommertsiialyq reispen 130-ǵa jýyq stýdent oraldy. Búgin úsh kommertsiialyq arnaiy reis uiymdastyryldy. Taǵy 540 stýdent qaita alady, jalpy sany - 670 adam", - dep jazylǵan "Azattyq" radiosy málimetinde.
Muhammed Ishak Dar Qyrǵyzstan syrtqy ister ministri Jienbek Qulybaevpen telefonmen kelissózder júrgizip, Bishkektegi Pákistan azamattaryna qatysty bolǵan oqiǵany talqylaǵan. Bul jóninde 19 mamyrda Qyrǵyzstan SIM jazdy.
