بىشكەكتەگى جاتاقحانالاردىڭ بىرىندە شەتەلدىك ازاماتتارعا شابۋىل جاسادى دەپ كۇدىكپەن ءۇش ادام ۇستالدى، - دەپ حابارلايدى Dalanews.kz.
kabar.kg مالىمەتىنشە، ولار - م.ن.، 2006 جىلى تۋعان، ش.ت.، 2005 جىلى تۋعان جانە ن.ب.، 2005 جىلى تۋعان.
كۇدىكتىلەردىڭ ۇشەۋى دە ۇستالىپ، ۋاقىتشا ۇستاۋ يزولياتورىنا قامالدى. قىلمىستىق ءىس بويىنشا تەرگەۋ جالعاسىپ جاتىر.
ايتا كەتەيىك، 2024 جىلعى 13 مامىرعا قاراعان ءتۇنى ساعات 02:00 شاماسىندا "ۆوستوك-5" شاعىناۋدانىندا ءبىر توپ جىگىت شەتەلدىك ستۋدەنتتەرمەن كەزدەسكەن، ولاردان تەمەكى سۇراپ، كەيىن نەگە بۇل جەردە تەمەكى شەگەتىنىن سۇراپ، تيىسە باستاعان. سودان كەيىن توبەلەس باستالعان.
شەتەلدىك ستۋدەنتتەر قاشىپ، وزدەرى تۇراتىن ا.وگونبايەۆ كوشەسىندەگى جاتاقحاناعا جۇگىرگەن. بەلگىسىز جىگىتتەر شەتەلدىك ستۋدەنتتەردى قۋىپ، ولاردىڭ ارتىنان جاتاقحاناعا كىرگەن. وندا تۇراتىن شەتەل ازاماتتارىنا كۇش قولدانۋ ارقىلى قولما-قول اقشا مەن زاتتارىن الىپ كەتكەن.
بۇعان دەيىن بىشكەكتە بولعان وقيعادان دەيىن پاكىستان قىرعىزستاندا وقىپ جاتقان ستۋدەنتتەرىن قايتارىپ جاتقانى بەلگىلى بولدى. بۇل تۋرالى پاكىستاننىڭ سىرتقى ىستەر ءمينيسترى مۇحاممەد يسحاك دار مالىمدەدى.
"كەشە پاكىستانعا كوممەرسيالىق رەيسپەن 130-عا جۋىق ستۋدەنت ورالدى. بۇگىن ءۇش كوممەرسيالىق ارنايى رەيس ۇيىمداستىرىلدى. تاعى 540 ستۋدەنت قايتا الادى، جالپى سانى - 670 ادام"، - دەپ جازىلعان "ازاتتىق" راديوسى مالىمەتىندە.
مۇحاممەد يسحاك دار قىرعىزستان سىرتقى ىستەر ءمينيسترى جيەنبەك قۇلىبايەۆپەن تەلەفونمەن كەلىسسوزدەر جۇرگىزىپ، بىشكەكتەگى پاكىستان ازاماتتارىنا قاتىستى بولعان وقيعانى تالقىلاعان. بۇل جونىندە 19 مامىردا قىرعىزستان ءسىم جازدى.
