Aita ketsek, Eljan Birtanovtyń koronavirýs juqtyrǵany týraly keshe - jeksenbide tańerteń belgili boldy. Odan keiin ministrdiń sonyń aldynda ǵana Úkimet basshysy Asqar Maminmen Jambyl oblysyna jumys saparyna erip barǵany anyqtaldy.
Alaida jumys sapary kezinde Birtanovtyń respiratorlyq maskamen júrgeni habarlandy. Soǵan qaramastan eki iri shendi koronavirýsqa test tapsyrdy. Ekeýi de teris nátije kórsetti. Soǵan qaramastan QR Premer-ministri men Jambyl oblysynyń ákimi óz-ózin oqshaýlady.
COVID-19 boiynsha Densaýlyq saqtaý ministri Eljan Birtanovtyń testi oń nátije kórsetýine bailanysty Premer-ministr Asqar Mamin de testileýden ótti, nátijesi - teris, - dep habarlady Úkimettiń baspasóz qyzmeti.
Búginderi Premer-ministr beinekonferentsiia arqyly jumysyn jalǵastyrýda.
Sondai-aq Jambyl oblysynyń ákimi Berdibek Saparbaevtyń 12 maýsymda koronavirýs diagnozy qoiylǵan Densaýlyq saqtaý ministri Eljan Birtanovpen birge bolǵany habarlandy.
Osy sapar aldynda jáne sapardan keiin oblys ákimi testileýden ótti. Ekeýiniń de nátijesi - teris. Endi ákim qazir oqshaýlanǵan, barlyq is-sharalar onlain rejimde ótedi, - dedi oblys ákimdiginiń baspasóz qyzmeti.
Aita ketsek, Úkimet basshysy ótken aptada Jambyl oblysynda koronavirýsqa qarsy vaktsina jasap shyǵarýy tiis zaýyttyń qurylysyn bastap bergen bolatyn.
