ايتا كەتسەك، ەلجان ءبىرتانوۆتىڭ كوروناۆيرۋس جۇقتىرعانى تۋرالى كەشە - جەكسەنبىدە تاڭەرتەڭ بەلگىلى بولدى. ودان كەيىن ءمينيستردىڭ سونىڭ الدىندا عانا ۇكىمەت باسشىسى اسقار مامينمەن جامبىل وبلىسىنا جۇمىس ساپارىنا ەرىپ بارعانى انىقتالدى.
الايدا جۇمىس ساپارى كەزىندە ءبىرتانوۆتىڭ رەسپيراتورلىق ماسكامەن جۇرگەنى حابارلاندى. سوعان قاراماستان ەكى ءىرى شەندى كوروناۆيرۋسقا تەست تاپسىردى. ەكەۋى دە تەرىس ناتيجە كورسەتتى. سوعان قاراماستان ق ر پرەمەر-مينيسترى مەن جامبىل وبلىسىنىڭ اكىمى ءوز-وزىن وقشاۋلادى.
COVID-19 بويىنشا دەنساۋلىق ساقتاۋ ءمينيسترى ەلجان ءبىرتانوۆتىڭ تەستى وڭ ناتيجە كورسەتۋىنە بايلانىستى پرەمەر-مينيستر اسقار مامين دە تەستىلەۋدەن ءوتتى، ناتيجەسى - تەرىس، - دەپ حابارلادى ۇكىمەتتىڭ باسپا ءسوز قىزمەتى.
بۇگىندەرى پرەمەر-مينيستر بەينەكونفەرەنسيا ارقىلى جۇمىسىن جالعاستىرۋدا.
سونداي-اق جامبىل وبلىسىنىڭ اكىمى بەردىبەك ساپاربايەۆتىڭ 12 ماۋسىمدا كوروناۆيرۋس دياگنوزى قويىلعان دەنساۋلىق ساقتاۋ ءمينيسترى ەلجان بىرتانوۆپەن بىرگە بولعانى حابارلاندى.
وسى ساپار الدىندا جانە ساپاردان كەيىن وبلىس اكىمى تەستىلەۋدەن ءوتتى. ەكەۋىنىڭ دە ناتيجەسى - تەرىس. ەندى اكىم ءقازىر وقشاۋلانعان، بارلىق ءىس-شارالار ونلاين رەجيمدە وتەدى، - دەدى وبلىس اكىمدىگىنىڭ باسپا ءسوز قىزمەتى.
ايتا كەتسەك، ۇكىمەت باسشىسى وتكەن اپتادا جامبىل وبلىسىندا كوروناۆيرۋسقا قارسى ۆاكسينا جاساپ شىعارۋى ءتيىس زاۋىتتىڭ قۇرىلىسىن باستاپ بەرگەن بولاتىن.
