Qazaqstan Respýblikasynyń Densaýlyq saqtaý ministri Eljan Birtanov Shyǵys Qazaqstan oblysynyń meditsina qyzmetkerlerine COVID-19 dertimen qarsy kúreste belsendi qatysqandary úshin medaldar men alǵys hattar tabys etti.
"Búgin Óskemendik áriptesterimizge pandemiiamen kúreste tanytqan erlikteri ben qajyrly eńbekterine alǵys bildiremiz. Memleket basshysy aitqandai, pandemiia áli tolyqtai aiaqtalǵan joq.
Degenmen, biraz álsirep, biz de aimaqtarǵa shyǵyp, áriptesterimizdiń eńbegin atap ótip, kezdesý múmkindigine ie boldyq.
Búgingi tańda Shyǵys Qazaqstan oblysynda koronavirýs deńgeii aitarlyqtai tómen, bul oblys dárigerleriniń eńbegi", - dedi Eljan Birtanov óz sózinde.
Shyǵys Qazaqstan oblysynda koronavirýspen kúres joldary áli jalǵasyp keledi. Óńir dárigerleri operativti túrde eńbek etip, táýlik boiy kezekshilikte.
Eńbekteriniń elenip, alǵysqa ie bolýlary boilaryna qýat bermek. Osy rette, «Densaýlyq saqtaý isine qosqan úlesi úshin» tósbelgisi aimaqtyq fiziopýlmologiialyq ortalyǵynyń anesteziolog-reanimatology Oralbek Ábilmájinovke berildi. Atalmysh ortalyqtyń medbikesi Nazym Igisinova men Ana men bala ortalyǵynyń meiirbikesi Sabira Seksenbaeva Ministrliktiń alǵys hatyna ie boldy.
- Eki ai buryn ftiziopýlmonologiialyq ortalyqta karantin bólimi ashyldy, men osy bólimde jumys istedim. Meniń barlyq áriptesterim dertpen kúreste joǵary belsendilik tanytyp keledi. Jumys áli jalǵasýda, - dedi marapat iesi Oralbek Ábilmájinov.
