Budan buryn "Strategiia" saiasi-áleýmettik zerteýler ortalyǵynyń jetekshisi, Ulttyq keńestiń múshesi Gúlmira Ileýova eks-Densaýlyq saqtaý ministri Eljan Birtanovty jazalaýdy talap etken edi dep habarlaidy Dalanews.kz.
Ileýovanyń pikirinshe Toqaev bastamasymen qurylǵan Ulttyq keńes áýelgi maqsatynan aýytqyǵan joq.
"Bul keńeste qoǵamdaǵy kúiip turǵan taqyrypqa qatysty oiymdy ashyq aita alamyn. Áleýmettik saýalnama júrgizbei-aq, kózge qorash kórinetin kez-kelgen máseleni Ulttyq keńestiń hatshylyǵyna joldai alamyz.
Bizdiń usynys-pikirimizdi Toqaevqa tikelei jetkizip otyr. Máseleniń birazy sheshilýde, – deidi Ileýova.
Onyń aitýynsha Toqaev sheshim qabyldaýǵa kelgende qabiletsiz, jabyq bilikti jaqsy kóretin basshylardyń qatarynan emes.
"Onyń basqarý stili ózgeshe. Ótkende kórdińizder, Tsirfrlyq damý ministrin alyp tastady da, ornyna eshkimdi taǵaiyndamady. Osylaisha ministrlerdi ári-sári kúige túsirip qoidy.
Toqaev bar sharýany ministrlerge ysyra salmai, tikelei ózi aralasýda. Bir ǵana dári-dármek máselesin alyp qarańyzdar. Bul problema da prezidenttiń deńgeiinde sheshilýde. Biraq másele de osydan týyndaidy.
Ózge sheneýnikter sóz sapyrǵanǵa ǵana sheber. Al iske kelgende orasholaq. Orta jolda tastap ketedi. Aiaqsyz qaldyrady. Aqyry otstavkige ketedi. Mundai ministrler ońai qutyldym dep oilamasyn.
Máselen, eks-Densaýlyq saqtaý ministri Eljan Birtanov ushty-kúili joǵaldy. Men onyń jazaǵa tartylýyn talap etemin. Erteń elden ketip, kózden bulbul ushpasyn", – degen edi Ulttyq keńes múshesi.
...
Buǵan deiin Birtanovtyń ustalǵany týraly habar taraǵan edi. Eljan Birtanov 2017-2020 jyly aralyǵynda densaýlyq saqtaý ministri qyzmetin atqardy.
Koronavirýs pandemiiasy bastalǵanda-aq densaýlyq saqtaý ministrliginiń qyzmeti synǵa ushyrap, aqyry prezident Toqaev Birtanovty qyzmetinen alyp tastaǵan edi.
Birtanovtyń ustalǵanyn Qarjy monitoringi komitetiniń Ekonomikalyq tergeý qyzmeti rastady.
“Qazaqstan Respýblikasynyń Qarjy ministrligi Qarjy monitoringi komitetiniń Ekonomikalyq tergeý qyzmeti
burynǵy densaýlyq saqtaý ministri E.A. Birtanovqa qatysty asa iri kólemde biýdjet qarajatyn ysyrap etý faktisi boiynsha qylmystyq isti tergeýde.
E.A. Birtanovqa qatysty sotpen qamaýda ustaý bultartpaý sharasy santsiialandy.
Tergeý múddesine bailanysty qosymsha aqparat jariialanbaidy”, – delingen tergeý qyzmeti taratqan aqparatta.
