بۇدان بۇرىن "ستراتەگييا" ساياسي-ەلەۋمەتتٸك زەرتەۋلەر ورتالىعىنىڭ جەتەكشٸسٸ, ۇلتتىق كەڭەستٸڭ مٷشەسٸ گٷلميرا يلەۋوۆا ەكس-دەنساۋلىق ساقتاۋ مينيسترٸ ەلجان بٸرتانوۆتى جازالاۋدى تالاپ ەتكەن ەدٸ دەپ حابارلايدى Dalanews.kz.
يلەۋوۆانىڭ پٸكٸرٸنشە توقاەۆ باستاماسىمەن قۇرىلعان ۇلتتىق كەڭەس ەۋەلگٸ ماقساتىنان اۋىتقىعان جوق.
"بۇل كەڭەستە قوعامداعى كٷيٸپ تۇرعان تاقىرىپقا قاتىستى ويىمدى اشىق ايتا الامىن. ەلەۋمەتتٸك ساۋالناما جٷرگٸزبەي-اق, كٶزگە قوراش كٶرٸنەتٸن كەز-كەلگەن مەسەلەنٸ ۇلتتىق كەڭەستٸڭ حاتشىلىعىنا جولداي الامىز.
بٸزدٸڭ ۇسىنىس-پٸكٸرٸمٸزدٸ توقاەۆقا تٸكەلەي جەتكٸزٸپ وتىر. مەسەلەنٸڭ بٸرازى شەشٸلۋدە, – دەيدٸ يلەۋوۆا.
ونىڭ ايتۋىنشا توقاەۆ شەشٸم قابىلداۋعا كەلگەندە قابٸلەتسٸز, جابىق بيلٸكتٸ جاقسى كٶرەتٸن باسشىلاردىڭ قاتارىنان ەمەس.
"ونىڭ باسقارۋ ستيلٸ ٶزگەشە. ٶتكەندە كٶردٸڭٸزدەر, تسيرفرلىق دامۋ مينيسترٸن الىپ تاستادى دا, ورنىنا ەشكٸمدٸ تاعايىندامادى. وسىلايشا مينيسترلەردٸ ەرٸ-سەرٸ كٷيگە تٷسٸرٸپ قويدى.
توقاەۆ بار شارۋانى مينيسترلەرگە ىسىرا سالماي, تٸكەلەي ٶزٸ ارالاسۋدا. بٸر عانا دەرٸ-دەرمەك مەسەلەسٸن الىپ قاراڭىزدار. بۇل پروبلەما دا پرەزيدەنتتٸڭ دەڭگەيٸندە شەشٸلۋدە. بٸراق مەسەلە دە وسىدان تۋىندايدى.
ٶزگە شەنەۋنٸكتەر سٶز ساپىرعانعا عانا شەبەر. ال ٸسكە كەلگەندە وراشولاق. ورتا جولدا تاستاپ كەتەدٸ. اياقسىز قالدىرادى. اقىرى وتستاۆكٸگە كەتەدٸ. مۇنداي مينيسترلەر وڭاي قۇتىلدىم دەپ ويلاماسىن.
مەسەلەن, ەكس-دەنساۋلىق ساقتاۋ مينيسترٸ ەلجان بٸرتانوۆ ۇشتى-كٷيلٸ جوعالدى. مەن ونىڭ جازاعا تارتىلۋىن تالاپ ەتەمٸن. ەرتەڭ ەلدەن كەتٸپ, كٶزدەن بۇلبۇل ۇشپاسىن", – دەگەن ەدٸ ۇلتتىق كەڭەس مٷشەسٸ.
...
بۇعان دەيٸن بٸرتانوۆتىڭ ۇستالعانى تۋرالى حابار تاراعان ەدٸ. ەلجان بٸرتانوۆ 2017-2020 جىلى ارالىعىندا دەنساۋلىق ساقتاۋ مينيسترٸ قىزمەتٸن اتقاردى.
كوروناۆيرۋس پاندەميياسى باستالعاندا-اق دەنساۋلىق ساقتاۋ مينيسترلٸگٸنٸڭ قىزمەتٸ سىنعا ۇشىراپ, اقىرى پرەزيدەنت توقاەۆ بٸرتانوۆتى قىزمەتٸنەن الىپ تاستاعان ەدٸ.
بٸرتانوۆتىڭ ۇستالعانىن قارجى مونيتورينگٸ كوميتەتٸنٸڭ ەكونوميكالىق تەرگەۋ قىزمەتٸ راستادى.
“قازاقستان رەسپۋبليكاسىنىڭ قارجى مينيسترلٸگٸ قارجى مونيتورينگٸ كوميتەتٸنٸڭ ەكونوميكالىق تەرگەۋ قىزمەتٸ
بۇرىنعى دەنساۋلىق ساقتاۋ مينيسترٸ ە.ا. بٸرتانوۆقا قاتىستى اسا ٸرٸ كٶلەمدە بيۋدجەت قاراجاتىن ىسىراپ ەتۋ فاكتٸسٸ بويىنشا قىلمىستىق ٸستٸ تەرگەۋدە.
ە.ا. بٸرتانوۆقا قاتىستى سوتپەن قاماۋدا ۇستاۋ بۇلتارتپاۋ شاراسى سانتسييالاندى.
تەرگەۋ مٷددەسٸنە بايلانىستى قوسىمشا اقپارات جارييالانبايدى”, – دەلٸنگەن تەرگەۋ قىزمەتٸ تاراتقان اقپاراتتا.
