Soltústik Qazaqstan oblysyndaǵy sý tasqynynan zardap shekken otbasylar jańa úilerge qonystanýyn jalǵastyrýda.
Petropavl qalasyndaǵy «Birlik» shaǵyn aýdany jańa turǵyndarmen tolyqty. Búgingi tańda, sý tasqynynan zardap shekken otbasylar úshin 700 úidiń qurylysy josparlanyp, 200 jańa turǵyn úi kiltteri tabys etildi.
Ónerkásip jáne qurylys ministri Qanat Sharlapaev jańa Birlik shaǵyn aýdanynda sý tasqynynan zardap shekkenderge salynyp jatqan úilerdiń qurylys barysymen tanysty.
Sáikesinshe, ministr zardap shekkenderge keltirilgen shyǵyndy óteý jónindegi jumystarmen, turǵyn úilerdiń jai-kúiimen, keltirilgen zalaldyń nátijelerimen jáne qajetti qosymsha qurylys jumystaryn barlap qaitty.
QR Ónerkásip jáne qurylys ministrliginiń Ahýaldyq ortalyǵynyń málimetinshe, Soltústik Qazaqstan oblysynda barlyǵy 3 993 obektige tehnikalyq tekserý júrgizildi, onyń nátijeleri boiynsha:
- 700 úi salý - 200 aiaqtaldy;
- 1329 úi satyp alý - 836 satyp alyndy;
- 1964 úige jóndeý jumystaryn júrgizý - 1001 aiaqtaldy.
