Mıllıondap kasa jınaǵan "Taptym-aý seni" fılmi, "Kelinjan" serıaly arqyly tanymaldyǵy artqan aktrısa halyqtyń arasynda kúzetpen júrýge ne sebep bolǵanyn aıtty, dep habarlaıdy Dalanews.kz.

"Aq pen Qara" podkastynda ártis Atyraý oblysyndaǵy meıramhanaǵa kúzetpen barýǵa májbúr bolǵanyn jetkizdi.

Biz «boldyq, toldyq, kúzetshi berińder» demedik. Biz korporatıvke bardyq. Bizge de aqsha kerek, ıá. Meıramhana ıesi ózderi berdi. Óıtkeni, halyq jylyna bir ret kóńil kóteredi, qysylmasyn dep. Ártúrli adam bar, bireý birdeńe istep kete me, tyǵyp ala ma dep qorqamyz... Men batys óńirin jabaıy dep aıta almaımyn. Kasanyń 70 paıyzyn batys óńiriniń halqy jasaǵan. Elge, jerge bóliný emes. Biraq, batys óńiriniń halqy - janashyr, - deıdi Darıǵa Badyqova.

Ol bir kezderi óziniń aýylyna ánshilermen barǵan kezinde kópshiliktiń jabysyp, artynan júgirgenin de esine aldy. Jankúıerler Darıǵanyń shashynan julyp, kóp adam qysylyp qalǵan.

Bir kúnde 8 meıramhanaǵa bardyq. Bireýine kúzetsiz kiremiz dep, ólip qala jazdadyq. Birinen shyǵyp, birine úlgermeı jattyq, - deıdi Darıǵamen birge suhbat bergen Oljas Abaı.

Darıǵa Badyqova elimizdegi óner ıeleriniń kúzetpen júrgenine qýaný kerek dep esepteıdi.

Óıtkeni, Gollıvýdta ártister kúzetpen júredi eken dep tańdandyq qoı. Bizde nege qýanbaıdy? Nege ózimizdiń jetistigimizge qýanbaımyz? Qazaq sport pen ónerden basqa nesin dáleldeıdi?, - dedi aktrısa.