ميلليونداپ كاسسا جيناعان "تاپتىم-اۋ سەنى" ءفيلمى، "كەلىنجان" سەريالى ارقىلى تانىمالدىعى ارتقان اكتريسا حالىقتىڭ اراسىندا كۇزەتپەن جۇرۋگە نە سەبەپ بولعانىن ايتتى، دەپ حابارلايدى Dalanews.kz.

"Aq pen Qara" پودكاستىندا ءارتىس اتىراۋ وبلىسىنداعى مەيرامحاناعا كۇزەتپەن بارۋعا ءماجبۇر بولعانىن جەتكىزدى.

ءبىز «بولدىق، تولدىق، كۇزەتشى بەرىڭدەر» دەمەدىك. ءبىز كورپوراتيۆكە باردىق. بىزگە دە اقشا كەرەك، ءيا. مەيرامحانا يەسى وزدەرى بەردى. ويتكەنى، حالىق جىلىنا ءبىر رەت كوڭىل كوتەرەدى، قىسىلماسىن دەپ. ءارتۇرلى ادام بار، بىرەۋ بىردەڭە ىستەپ كەتە مە، تىعىپ الا ما دەپ قورقامىز... مەن باتىس ءوڭىرىن جابايى دەپ ايتا المايمىن. كاسسانىڭ 70 پايىزىن باتىس ءوڭىرىنىڭ حالقى جاساعان. ەلگە، جەرگە ءبولىنۋ ەمەس. ءبىراق، باتىس ءوڭىرىنىڭ حالقى - جاناشىر، - دەيدى داريعا بادىقوۆا.

ول ءبىر كەزدەرى ءوزىنىڭ اۋىلىنا انشىلەرمەن بارعان كەزىندە كوپشىلىكتىڭ جابىسىپ، ارتىنان جۇگىرگەنىن دە ەسىنە الدى. جانكۇيەرلەر داريعانىڭ شاشىنان جۇلىپ، كوپ ادام قىسىلىپ قالعان.

ءبىر كۇندە 8 مەيرامحاناعا باردىق. بىرەۋىنە كۇزەتسىز كىرەمىز دەپ، ءولىپ قالا جازدادىق. بىرىنەن شىعىپ، بىرىنە ۇلگەرمەي جاتتىق، - دەيدى داريعامەن بىرگە سۇحبات بەرگەن ولجاس اباي.

داريعا بادىقوۆا ەلىمىزدەگى ونەر يەلەرىنىڭ كۇزەتپەن جۇرگەنىنە قۋانۋ كەرەك دەپ ەسەپتەيدى.

ويتكەنى، گولليۆۋدتا ارتىستەر كۇزەتپەن جۇرەدى ەكەن دەپ تاڭداندىق قوي. بىزدە نەگە قۋانبايدى؟ نەگە ءوزىمىزدىڭ جەتىستىگىمىزگە قۋانبايمىز؟ قازاق سپورت پەن ونەردەن باسقا نەسىن دالەلدەيدى؟، - دەدى اكتريسا.