Ulan aýdanynda «Bir qabatty Shyǵys» baǵdarlamasy aıasynda turǵyn úıler Qasym Qaısenov, Tavrıa, Bozanbaı aýyldarynda salynǵan. Óz kezeginde aýdan ákimi Renat Qurmambaev qurylys komapnıalarymen 2022 jyly turǵyn úı salý úshin kelisimge kelgenderin de alǵa tartty.
Aldaǵy jyly aýdandanda qos páterliń 25 úı salynyp, turǵyndardyń paıdalanýyna berilmekshi. Úıler Qasym Qaısenov, Gerasımovka, Mamaı batyr jáne Saǵyr aýyldarynda salynady dep josparlanýda. Bıyldyń ózinde Qasym Qaısenov aýylynda 40 páterli eki turǵyn úıdiń qurylysy bastalǵanyn aıta ketýimiz kerek. Al «Nurly jer» baǵdarlamasy aıasynda 4050 sharshy metr turǵyn úı salý da josparda bar.
– Aldaǵy 2022 jyly bizder 8,5 myń sharshy metr turǵyn úı salýdy josparlap otyrmyz, – deıdi Renat Qurmambaev.
Qazir Ulan aýdanynda turatyn halyqtyń sany jyl ótken saıyn artyp keledi. Halyqtyń ósimi ásirese aýdan ortalyǵy sanalatyn Qasym Qaısenov aýylynda joǵary. Osyǵan baılanysty aldaǵy aýylda orta mektep salý isi kún tártibine shyqqan-dy.
Aýdan ortalyǵynda mektep salý úshin ústimizdegi jyldyń tamyz aıynda oblystyq búdjetten qarjy qarastyrylyp, qurylys jumystary bastalǵan bolatyn. ǵanyn aıta ketýimiz kerek. 320 balaǵa aranalǵan bilim ordasy 2022 jyly paıdalanýǵa beriledi dep kútilýde.
