Qazyǵurt aýdannyń jalpy óńirlik ónim kólemi 2018 jyldyń 10 aıynyń qorytyndysymen 96929,7 mln. teńgege oryndalyp, ótken jyldyń tıisti kezeńimen salystyrǵanda 121,0 paıyzdy qurady.

Ústimizdegi jyldyń 10 aıynyń ishinde tartylǵan ınvestısıa kólemi 15263,2 mln. teńgeni qurap, ótken jyldyń tıisti kezeńimen salystyrǵanda 7,1 paıyzǵa artty.

2018 jylǵa aýdan búdjetiniń jalpy kólemi 17100,0 mln, teńgege bekitilip, búdjetti naqtylaý barysynda 2915,0 mln, teńgege artyp, jyldyq jospar 20015,0 mln, teńgeni qurady. 10 aıdyń qorytyndysymen 99,9 paıyzǵa búdjet qarjysy ıgerildi. İshki kiris bóliginiń 2018 jylǵy jospary 1660,2 mln. teńge, 10 aılyq jospary 1200,5 mln. teńge bolsa, naqty 1261,3 mln. teńgege, ıaǵnı 105,1 paıyzǵa oryndaldy. Óńirimizdegi ónerkásip ónim kóleminiń jyl saıyn artýyna aýdanymyzda ashylǵan ındýstrıaldy aımaqtyń úlesi mol.

Bul týraly Qazyǵurt aýdanynyń ákimi Tólegen Telǵaraev Túrkistan qalasyndaǵy "TURKISTAN MEDIA" ortalyǵynda ótken baspasóz-máslıhatynda málimdedi.

 

 

Dalanews.kz