Ilá Ilın Aýyr atletıka federasıanyń qazirgi jumysyna alańdaýshylyq bildirdi.
– Bir jyldan beri biz túsiniksiz jaǵdaıda júrmiz, Aýyr atletıka federasıasynyń prezıdentin taba almaı júrmiz. Bir jarym jyl buryn menejer retinde jumysqa turǵanda jattyqtyrýshylarmen sóılestim, aýqymdy problemalar boldy, máseleni sheshýge tyrystym. Bir jigit asylyp qaldy… Bizge psıhologtar keregin aıttym.
Biz komanda qurýǵa mindettimiz, óıtkeni qıyndyqtar bar. Keıin biz ekige, sodan keıin úsh bólikke bólindik. Óńirlerge baryp, bapkerlermen jeti saǵat sóılesip, sportqa qol silteı salmaýyn túsindirýge týra keldi, – dedi Ilın Mádenıet jáne sport mınıstrliginiń alqa otyrysynda.
Ol federasıada bar máselelerdi aıtyp, áriptesterin, basshylyqqa, Altaı Kólginov pen jáne Ashat Oralovqa júgindi.
– Men jetildim. Federasıany óz komandammen birge alýǵa daıynmyn. Iá, mende mıllıon adam joq, men baı emespin, biraq men bul sporttyń qyr-syryn bilemin. Qoldaýyńyzdy suraımyn, tapsyrmalar qoıyńyz. Olımpıada chempıonyn tańdaıyq, – dedi ol.
Óz kezeginde Mádenıet jáne sport mınıstri jaýap retinde bul máseleni belgili sportshymen jeke talqylaýǵa daıyn ekenin atap ótti.
