يليا يلين اۋىر اتلەتيكا فەدەراسيانىڭ قازىرگى جۇمىسىنا الاڭداۋشىلىق ءبىلدىردى.
– ءبىر جىلدان بەرى ءبىز تۇسىنىكسىز جاعدايدا ءجۇرمىز، اۋىر اتلەتيكا فەدەراسياسىنىڭ پرەزيدەنتىن تابا الماي ءجۇرمىز. ءبىر جارىم جىل بۇرىن مەنەدجەر رەتىندە جۇمىسقا تۇرعاندا جاتتىقتىرۋشىلارمەن سويلەستىم، اۋقىمدى پروبلەمالار بولدى، ماسەلەنى شەشۋگە تىرىستىم. ءبىر جىگىت اسىلىپ قالدى… بىزگە پسيحولوگتار كەرەگىن ايتتىم.
ءبىز كوماندا قۇرۋعا مىندەتتىمىز، ويتكەنى قيىندىقتار بار. كەيىن ءبىز ەكىگە، سودان كەيىن ءۇش بولىككە بولىندىك. وڭىرلەرگە بارىپ، باپكەرلەرمەن جەتى ساعات سويلەسىپ، سپورتقا قول سىلتەي سالماۋىن تۇسىندىرۋگە تۋرا كەلدى، – دەدى يلين مادەنيەت جانە سپورت مينيسترلىگىنىڭ القا وتىرىسىندا.
ول فەدەراسيادا بار ماسەلەلەردى ايتىپ، ارىپتەستەرىن، باسشىلىققا، التاي كولگىنوۆ پەن جانە اسحات ورالوۆقا جۇگىندى.
– مەن جەتىلدىم. فەدەراسيانى ءوز كومانداممەن بىرگە الۋعا دايىنمىن. ءيا، مەندە ميلليون ادام جوق، مەن باي ەمەسپىن، ءبىراق مەن بۇل سپورتتىڭ قىر-سىرىن بىلەمىن. قولداۋىڭىزدى سۇرايمىن، تاپسىرمالار قويىڭىز. وليمپيادا چەمپيونىن تاڭدايىق، – دەدى ول.
ءوز كەزەگىندە مادەنيەت جانە سپورت ءمينيسترى جاۋاپ رەتىندە بۇل ماسەلەنى بەلگىلى سپورتشىمەن جەكە تالقىلاۋعا دايىن ەكەنىن اتاپ ءوتتى.
