Mádeniet jáne aqparat ministri Aida Balaeva 2025 jyly mektepke deiingi uiymdarda tárbielenýshilerdi tegin tamaqtandyrýǵa jergilikti biýdjetterden 15,4 mlrd teńge bólingenin málimdedi, dep habarlaidy Dalanews.kz.
Onyń aitýynsha, biyl balabaqshalarda 953 myń bala tamaqtanady, olardyń ishinde 67 myń áleýmettik osal sanattaǵy otbasy balalary tegin tamaqpen qamtylǵan.
"Tegin tamaqtandyrýdy uiymdastyrý úshin jergilikti biýdjetten 15,4 mlrd teńge bólindi. Balalardyń jas erekshelikteri, taǵamnyń kaloriialyǵy men maýsymdylyǵy eskerilgen bilim berý uiymdaryna arnalǵan tamaqtaný standarty negizinde úlgilik perspektivalyq mázir bekitildi", — dedi Balaeva.
Ministrdiń aitýynsha, standartqa sáikes:
- qant úlesi 3,6 ese,
- tuz mólsheri 5 ese azaitylǵan,
- kókónis, jemis-jidek pen sút ónimderiniń úlesi arttyrylǵan,
- mázirden shujyq ónimderi men ystalǵan taǵamdar alynyp tastalǵan,
- tátti sýsyndardyń ornyna sý beriledi.
Sonymen qatar arnaiy dietany qajet etetin balalardyń tamaqtanýyna talaptar engizilgen.
"2025 jylǵy 1 qarashadan bastap infliatsiia deńgeii, ortasha baǵalar jáne statistikalyq derekter eskerilip, bilim berý uiymdaryndaǵy tamaqtaný tarifteri bekitildi. Biýdjet kodeksi jáne “Bilim týraly” zańǵa sáikes, tamaqtandyrýǵa jumsalatyn shyǵyndar jergilikti biýdjet esebinen qarjylandyrylady. Aýdandar óz múmkindikterine qarai bul shyǵyndardy ulǵaita alady", - dep atap ótti Balaeva.
Onyń sózinshe, azyq-túlik jetkizýshilerimen kelisimsharttar ádette bir jyl merzimge jasalady, alaida kelesi jyldarǵa qarjylandyrý kózdelse, uzaq merzimge kelisimshart jasaýǵa múmkindik bar.
"2025 jylǵy 19 jeltoqsanda meniń tóraǵalyǵymmen balalar qaýipsizdigin qamtamasyz etý, sonyń ishinde sanitarlyq-epidemiologiialyq talaptarǵa sai tamaqtandyrý máseleleri talqylandy. Bilim berý uiymdaryndaǵy tamaq sapasyn qamtamasyz etý jáne balalar densaýlyǵynyń qaýipsizdigin baqylaý jumystary Úkimettiń turaqty baqylaýynda", - dep qorytyndylady Aida Balaeva.
