مەدەنيەت جەنە اقپارات مينيسترٸ ايدا بالاەۆا 2025 جىلى مەكتەپكە دەيٸنگٸ ۇيىمداردا تەربيەلەنۋشٸلەردٸ تەگٸن تاماقتاندىرۋعا جەرگٸلٸكتٸ بيۋدجەتتەردەن 15,4 ملرد تەڭگە بٶلٸنگەنٸن مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, بيىل بالاباقشالاردا 953 مىڭ بالا تاماقتانادى, ولاردىڭ ٸشٸندە 67 مىڭ ەلەۋمەتتٸك وسال ساناتتاعى وتباسى بالالارى تەگٸن تاماقپەن قامتىلعان.
"تەگٸن تاماقتاندىرۋدى ۇيىمداستىرۋ ٷشٸن جەرگٸلٸكتٸ بيۋدجەتتەن 15,4 ملرد تەڭگە بٶلٸندٸ. بالالاردىڭ جاس ەرەكشەلٸكتەرٸ, تاعامنىڭ كالورييالىعى مەن ماۋسىمدىلىعى ەسكەرٸلگەن بٸلٸم بەرۋ ۇيىمدارىنا ارنالعان تاماقتانۋ ستاندارتى نەگٸزٸندە ٷلگٸلٸك پەرسپەكتيۆالىق مەزٸر بەكٸتٸلدٸ", — دەدٸ بالاەۆا.
مينيستردٸڭ ايتۋىنشا, ستاندارتقا سەيكەس:
- قانت ٷلەسٸ 3,6 ەسە,
- تۇز مٶلشەرٸ 5 ەسە ازايتىلعان,
- كٶكٶنٸس, جەمٸس-جيدەك پەن سٷت ٶنٸمدەرٸنٸڭ ٷلەسٸ ارتتىرىلعان,
- مەزٸردەن شۇجىق ٶنٸمدەرٸ مەن ىستالعان تاعامدار الىنىپ تاستالعان,
- تەتتٸ سۋسىنداردىڭ ورنىنا سۋ بەرٸلەدٸ.
سونىمەن قاتار ارنايى ديەتانى قاجەت ەتەتٸن بالالاردىڭ تاماقتانۋىنا تالاپتار ەنگٸزٸلگەن.
"2025 جىلعى 1 قاراشادان باستاپ ينفلياتسييا دەڭگەيٸ, ورتاشا باعالار جەنە ستاتيستيكالىق دەرەكتەر ەسكەرٸلٸپ, بٸلٸم بەرۋ ۇيىمدارىنداعى تاماقتانۋ تاريفتەرٸ بەكٸتٸلدٸ. بيۋدجەت كودەكسٸ جەنە “بٸلٸم تۋرالى” زاڭعا سەيكەس, تاماقتاندىرۋعا جۇمسالاتىن شىعىندار جەرگٸلٸكتٸ بيۋدجەت ەسەبٸنەن قارجىلاندىرىلادى. اۋداندار ٶز مٷمكٸندٸكتەرٸنە قاراي بۇل شىعىنداردى ۇلعايتا الادى", - دەپ اتاپ ٶتتٸ بالاەۆا.
ونىڭ سٶزٸنشە, ازىق-تٷلٸك جەتكٸزۋشٸلەرٸمەن كەلٸسٸمشارتتار ەدەتتە بٸر جىل مەرزٸمگە جاسالادى, الايدا كەلەسٸ جىلدارعا قارجىلاندىرۋ كٶزدەلسە, ۇزاق مەرزٸمگە كەلٸسٸمشارت جاساۋعا مٷمكٸندٸك بار.
"2025 جىلعى 19 جەلتوقساندا مەنٸڭ تٶراعالىعىممەن بالالار قاۋٸپسٸزدٸگٸن قامتاماسىز ەتۋ, سونىڭ ٸشٸندە سانيتارلىق-ەپيدەميولوگييالىق تالاپتارعا ساي تاماقتاندىرۋ مەسەلەلەرٸ تالقىلاندى. بٸلٸم بەرۋ ۇيىمدارىنداعى تاماق ساپاسىن قامتاماسىز ەتۋ جەنە بالالار دەنساۋلىعىنىڭ قاۋٸپسٸزدٸگٸن باقىلاۋ جۇمىستارى ٷكٸمەتتٸڭ تۇراقتى باقىلاۋىندا", - دەپ قورىتىندىلادى ايدا بالاەۆا.
