"Jaqynda bilim júiesindegi ózgeristerge qatysty taǵy bir jańalyqty qulaǵym shaldy. Ol bilim júiesin basqarýǵa qatysty eken. Iaǵni, 2021 jyldan bastap búkil qarjysyn, al 2020 jyldyń 1 qańtarynan bastap aýdan, qala bilim bólimderi basshylaryn ministrlikpen kelisip taǵaiyndaý oblysqa beriletin bolypty" deidi «Edtech-kz» halyqaralyq bilim berý ortalyǵynyń jetekshisi Ǵani Beisembaev.
Bul degenińiz barlyq fýnktsiialardyń aýdan qala deńgeiinen oblysqa beriledi degendi sóz. Munyń ne ózgeris ekenin qarapaiym kópshilik bile bermeýi de múmkin.
Másele túsinikti bolýy úshin áńgimeni sál áriden bastaǵan durys shyǵar.
Keńes úkimeti qulap, elimiz táýelsizdik alǵanǵa deiin bizdiń bilim júiesin basqarý vertikaldy boldy. Aýdan, qala bólimderi men oblystyq basqarmalar basshylary ministrliktiń eleginen ótken soń baryp taǵaiyndalatyn.
Bul bilim júiesin basqarýǵa kezdeisoq adamdardyń kelýine jaqsy tosqaýyl edi.
Bárińizdiń esterińizde bolsa, ol kezeńdegi basshylarda úlken jaýapkershilik seziletin. Keiingi otyz jylda aýdan ákimderiniń kópshiligi qolyna tigen mundai múmkindikti durys paidalana almady desede bolady.
Máselen, keiingi kezderi jelide aýdan ákimi taǵaiyndaǵan bilim bólimderiniń basshylarynyń biliktiligine kúmán kóbeiip ketti. Ásirese bilim salasynan aýyly alys nemese tiisti diplomy joq kezdeisoq adamdardyń basqaryp otyrǵany týraly shaǵymdar jii aityla bastady.
Nemese bir oblystaǵy aýdandardyń jaǵdaiynyń ár qilylyǵy. Iaǵni, aýdan ákiminiń kózqarasyna bilim salasy táýeldi bola bastady. Sonyń kesirinen elimizdegi bilim saiasatynyń ár jerde ár qily bolýyna ákelip soqty.
Bul bir elde turatyn balalarymyzdyń sapaly bilim alýyna jasalatyn jaǵdaidyń tek bir aýdan ákimine táýeldi etti.
Olardyń arasynda bilim salasyn jiti túsinbegendikten asty-ústi qaraityndary kóbeie bastady. Bul siz biletin máseleniń bir qyry ǵana.
Sondyqtanda men bilim júiesin basqarýǵa bilikti mamandardyń kelgenin qalaimyn. Jańa basqarý júiesi osyndai qaptaǵan kemshilikterdiń ornyn toltyratynyna senimim mol. Olai bolsa, Bilim ministrliginiń mundai bastamalaryn qoldaý qajet dep oilaimyn.
Jańa ózgeristerdiń bir-eki erekshelikterine toqtala keteiin:
