"جاقىندا بٸلٸم جٷيەسٸندەگٸ ٶزگەرٸستەرگە قاتىستى تاعى بٸر جاڭالىقتى قۇلاعىم شالدى. ول بٸلٸم جٷيەسٸن باسقارۋعا قاتىستى ەكەن. ياعني, 2021 جىلدان باستاپ بٷكٸل قارجىسىن, ال 2020 جىلدىڭ 1 قاڭتارىنان باستاپ اۋدان, قالا بٸلٸم بٶلٸمدەرٸ باسشىلارىن مينيسترلٸكپەن كەلٸسٸپ تاعايىنداۋ وبلىسقا بەرٸلەتٸن بولىپتى" دەيدٸ «Edtech-kz» حالىقارالىق بٸلٸم بەرۋ ورتالىعىنىڭ جەتەكشٸسٸ عاني بەيسەمباەۆ.
بۇل دەگەنٸڭٸز بارلىق فۋنكتسييالاردىڭ اۋدان قالا دەڭگەيٸنەن وبلىسقا بەرٸلەدٸ دەگەندٸ سٶز. مۇنىڭ نە ٶزگەرٸس ەكەنٸن قاراپايىم كٶپشٸلٸك بٸلە بەرمەۋٸ دە مٷمكٸن.
مەسەلە تٷسٸنٸكتٸ بولۋى ٷشٸن ەڭگٸمەنٸ سەل ەرٸدەن باستاعان دۇرىس شىعار.
كەڭەس ٷكٸمەتٸ قۇلاپ, ەلٸمٸز تەۋەلسٸزدٸك العانعا دەيٸن بٸزدٸڭ بٸلٸم جٷيەسٸن باسقارۋ ۆەرتيكالدى بولدى. اۋدان, قالا بٶلٸمدەرٸ مەن وبلىستىق باسقارمالار باسشىلارى مينيسترلٸكتٸڭ ەلەگٸنەن ٶتكەن سوڭ بارىپ تاعايىندالاتىن.
بۇل بٸلٸم جٷيەسٸن باسقارۋعا كەزدەيسوق ادامداردىڭ كەلۋٸنە جاقسى توسقاۋىل ەدٸ.
بەرٸڭٸزدٸڭ ەستەرٸڭٸزدە بولسا, ول كەزەڭدەگٸ باسشىلاردا ٷلكەن جاۋاپكەرشٸلٸك سەزٸلەتٸن. كەيٸنگٸ وتىز جىلدا اۋدان ەكٸمدەرٸنٸڭ كٶپشٸلٸگٸ قولىنا تيگەن مۇنداي مٷمكٸندٸكتٸ دۇرىس پايدالانا المادى دەسەدە بولادى.
مەسەلەن, كەيٸنگٸ كەزدەرٸ جەلٸدە اۋدان ەكٸمٸ تاعايىنداعان بٸلٸم بٶلٸمدەرٸنٸڭ باسشىلارىنىڭ بٸلٸكتٸلٸگٸنە كٷمەن كٶبەيٸپ كەتتٸ. ەسٸرەسە بٸلٸم سالاسىنان اۋىلى الىس نەمەسە تيٸستٸ ديپلومى جوق كەزدەيسوق ادامداردىڭ باسقارىپ وتىرعانى تۋرالى شاعىمدار جيٸ ايتىلا باستادى.
نەمەسە بٸر وبلىستاعى اۋدانداردىڭ جاعدايىنىڭ ەر قيلىلىعى. ياعني, اۋدان ەكٸمٸنٸڭ كٶزقاراسىنا بٸلٸم سالاسى تەۋەلدٸ بولا باستادى. سونىڭ كەسٸرٸنەن ەلٸمٸزدەگٸ بٸلٸم ساياساتىنىڭ ەر جەردە ەر قيلى بولۋىنا ەكەلٸپ سوقتى.
بۇل بٸر ەلدە تۇراتىن بالالارىمىزدىڭ ساپالى بٸلٸم الۋىنا جاسالاتىن جاعدايدىڭ تەك بٸر اۋدان ەكٸمٸنە تەۋەلدٸ ەتتٸ.
ولاردىڭ اراسىندا بٸلٸم سالاسىن جٸتٸ تٷسٸنبەگەندٸكتەن استى-ٷستٸ قارايتىندارى كٶبەيە باستادى. بۇل سٸز بٸلەتٸن مەسەلەنٸڭ بٸر قىرى عانا.
سوندىقتاندا مەن بٸلٸم جٷيەسٸن باسقارۋعا بٸلٸكتٸ مامانداردىڭ كەلگەنٸن قالايمىن. جاڭا باسقارۋ جٷيەسٸ وسىنداي قاپتاعان كەمشٸلٸكتەردٸڭ ورنىن تولتىراتىنىنا سەنٸمٸم مول. ولاي بولسا, بٸلٸم مينيسترلٸگٸنٸڭ مۇنداي باستامالارىن قولداۋ قاجەت دەپ ويلايمىن.
جاڭا ٶزگەرٸستەردٸڭ بٸر-ەكٸ ەرەكشەلٸكتەرٸنە توقتالا كەتەيٸن:
