Densaýlyq saqtaý salasynyń tabysty damýy eń aldymen bilikti mamandarǵa bailanysty. Ásirese, elimizdiń shalǵai aýyldary men aýdandyq aýrýhanalarynda tájiribeli dárigerlerge degen suranys joǵary. Sondyqtan búgingi tańda meditsinalyq kadrlardy daiarlaý men olardyń kásibi biliktiligin arttyrý máselesi erekshe mańyzǵa ie.
Osy baǵytta Pediatriia jáne balalar hirýrgiiasy ǵylymi ortalyǵy mańyzdy ról atqaryp keledi. Ortalyq tek balalarǵa joǵary mamandandyrylǵan meditsinalyq kómek kórsetetin mekeme ǵana emes, sonymen qatar elimizdiń bolashaq dárigerlerin daiarlaityn iri bilim berý alańy sanalady, dep habarlaidy dalanews.kz.
Biyl ortalyq taǵy bir mańyzdy jetistikke qol jetkizdi. Qazaqstandaǵy ǵylymi ortalyqtar men ǵylymi-zertteý institýttarynyń bilim berý qyzmetiniń nátijelilik reitingi boiynsha Pediatriia jáne balalar hirýrgiiasy ǵylymi ortalyǵy 454,1 upai jinap, úzdik bilim berý ǵylymi ortalyǵy atandy. Bul – mekemeniń birneshe jyl qatarynan kósh bastap kele jatqanyn kórsetedi.
Ortalyqtyń ǵylym jáne bilim bóliminiń jetekshisi, professor, meditsina ǵylymdarynyń kandidaty Aigúl Bazarbaevanyń aitýynsha, sapaly meditsinalyq qyzmet kórsetý úshin dárigerlerdiń úzdiksiz bilim alýy asa mańyzdy.
Búginde ortalyq bazasynda pediatriia, balalar hirýrgiiasy, onkologiia jáne gematologiia baǵyttary boiynsha dárigerler men meiirbikelerdiń biliktiligin arttyrýǵa arnalǵan túrli kýrstar, seminarlar, taǵylymdamalar men sheberlik sabaqtary uiymdastyrylady. Bul oqytý baǵdarlamalaryna iri qalalardyń mamandary ǵana emes, óńirlerdegi dárigerler de belsendi qatysady.
Ásirese, aýyldyq jerlerdegi meditsina qyzmetkerleri úshin mundai oqytýlardyń mańyzy zor. Sebebi shalǵai eldi mekenderde jumys isteitin dárigerler kúrdeli jaǵdailarmen jii betpe-bet keledi. Olarǵa balalardaǵy onkologiialyq aýrýlardy erte anyqtaý, jańa týǵan nárestelerdi emdeý, sirek kezdesetin dertterdi diagnostikalaý siiaqty zamanaýi bilim men tájiribe qajet.
Sońǵy jyldary ortalyq mamandary óńirlerge shyǵyp, jergilikti dárigerlerge tájiribelik kómek kórsetýge de basymdyq berip keledi. Bul óz kezeginde aýyl turǵyndary úshin meditsinalyq kómektiń sapasyn arttyrýǵa yqpal etedi.
Pediatriia jáne balalar hirýrgiiasy ǵylymi ortalyǵynyń taǵy bir mańyzdy baǵyty – rezident dárigerlerdi daiarlaý. Qazirgi ýaqytta munda memlekettik bilim berý tapsyrysy boiynsha ondaǵan jas maman bilim alýda. Olar tájiribeli dárigerlerdiń jetekshiligimen kúrdeli diagnozy bar balalardy emdeýge qatysyp, bolashaq kásibi qyzmetine qajetti tájiribe jinaqtaidy.
Meditsina salasynda teoriialyq bilim ǵana jetkiliksiz. Sondyqtan ortalyqta rezidentter operatsiialyq zaldarda, protsedýralyq kabinetterde jáne klinikalyq bólimshelerde jumys istep, naqty tájiribelik daǵdylardy meńgeredi. Mundai daiyndyq olardyń keiin elimizdiń kez kelgen óńirinde, sonyń ishinde aýyldyq jerlerde de sapaly qyzmet kórsetýine múmkindik beredi.
Búginde ortalyq túlekteri Qazaqstannyń ár aimaǵynda eńbek etip júr. Olardyń arasynda bólimshe meńgerýshileri, bas dáriger orynbasarlary jáne ǵylymi qyzmetkerler bar. Bul bilim berý júiesiniń tiimdiligin kórsetedi.
Densaýlyq saqtaý júiesiniń sapasy jańa ǵimarattarmen nemese zamanaýi jabdyqtarmen ǵana ólshenbeidi. Onyń basty kórsetkishi – kásibi dárigerler. Sondyqtan meditsina mamandaryn daiarlaý men olardyń biliktiligin arttyrýǵa baǵyttalǵan jumystar eldegi meditsinalyq kómektiń sapasyn jaqsartýdyń jáne aýyl men qala arasyndaǵy meditsinalyq qyzmet deńgeiin teńestirýdiń mańyzdy tetigi bolyp qala beredi.
