دەنساۋلىق ساقتاۋ سالاسىنىڭ تابىستى دامۋى ەڭ الدىمەن بٸلٸكتٸ ماماندارعا بايلانىستى. ەسٸرەسە, ەلٸمٸزدٸڭ شالعاي اۋىلدارى مەن اۋداندىق اۋرۋحانالارىندا تەجٸريبەلٸ دەرٸگەرلەرگە دەگەن سۇرانىس جوعارى. سوندىقتان بٷگٸنگٸ تاڭدا مەديتسينالىق كادرلاردى دايارلاۋ مەن ولاردىڭ كەسٸبي بٸلٸكتٸلٸگٸن ارتتىرۋ مەسەلەسٸ ەرەكشە ماڭىزعا يە.
وسى باعىتتا پەدياترييا جەنە بالالار حيرۋرگيياسى عىلىمي ورتالىعى ماڭىزدى رٶل اتقارىپ كەلەدٸ. ورتالىق تەك بالالارعا جوعارى مامانداندىرىلعان مەديتسينالىق كٶمەك كٶرسەتەتٸن مەكەمە عانا ەمەس, سونىمەن قاتار ەلٸمٸزدٸڭ بولاشاق دەرٸگەرلەرٸن دايارلايتىن ٸرٸ بٸلٸم بەرۋ الاڭى سانالادى, دەپ حابارلايدى dalanews.kz.
بيىل ورتالىق تاعى بٸر ماڭىزدى جەتٸستٸككە قول جەتكٸزدٸ. قازاقستانداعى عىلىمي ورتالىقتار مەن عىلىمي-زەرتتەۋ ينستيتۋتتارىنىڭ بٸلٸم بەرۋ قىزمەتٸنٸڭ نەتيجەلٸلٸك رەيتينگٸ بويىنشا پەدياترييا جەنە بالالار حيرۋرگيياسى عىلىمي ورتالىعى 454,1 ۇپاي جيناپ, ٷزدٸك بٸلٸم بەرۋ عىلىمي ورتالىعى اتاندى. بۇل – مەكەمەنٸڭ بٸرنەشە جىل قاتارىنان كٶش باستاپ كەلە جاتقانىن كٶرسەتەدٸ.
ورتالىقتىڭ عىلىم جەنە بٸلٸم بٶلٸمٸنٸڭ جەتەكشٸسٸ, پروفەسسور, مەديتسينا عىلىمدارىنىڭ كانديداتى ايگٷل بازارباەۆانىڭ ايتۋىنشا, ساپالى مەديتسينالىق قىزمەت كٶرسەتۋ ٷشٸن دەرٸگەرلەردٸڭ ٷزدٸكسٸز بٸلٸم الۋى اسا ماڭىزدى.
بٷگٸندە ورتالىق بازاسىندا پەدياترييا, بالالار حيرۋرگيياسى, ونكولوگييا جەنە گەماتولوگييا باعىتتارى بويىنشا دەرٸگەرلەر مەن مەيٸربيكەلەردٸڭ بٸلٸكتٸلٸگٸن ارتتىرۋعا ارنالعان تٷرلٸ كۋرستار, سەمينارلار, تاعىلىمدامالار مەن شەبەرلٸك ساباقتارى ۇيىمداستىرىلادى. بۇل وقىتۋ باعدارلامالارىنا ٸرٸ قالالاردىڭ ماماندارى عانا ەمەس, ٶڭٸرلەردەگٸ دەرٸگەرلەر دە بەلسەندٸ قاتىسادى.
ەسٸرەسە, اۋىلدىق جەرلەردەگٸ مەديتسينا قىزمەتكەرلەرٸ ٷشٸن مۇنداي وقىتۋلاردىڭ ماڭىزى زور. سەبەبٸ شالعاي ەلدٸ مەكەندەردە جۇمىس ٸستەيتٸن دەرٸگەرلەر كٷردەلٸ جاعدايلارمەن جيٸ بەتپە-بەت كەلەدٸ. ولارعا بالالارداعى ونكولوگييالىق اۋرۋلاردى ەرتە انىقتاۋ, جاڭا تۋعان نەرەستەلەردٸ ەمدەۋ, سيرەك كەزدەسەتٸن دەرتتەردٸ دياگنوستيكالاۋ سيياقتى زاماناۋي بٸلٸم مەن تەجٸريبە قاجەت.
سوڭعى جىلدارى ورتالىق ماماندارى ٶڭٸرلەرگە شىعىپ, جەرگٸلٸكتٸ دەرٸگەرلەرگە تەجٸريبەلٸك كٶمەك كٶرسەتۋگە دە باسىمدىق بەرٸپ كەلەدٸ. بۇل ٶز كەزەگٸندە اۋىل تۇرعىندارى ٷشٸن مەديتسينالىق كٶمەكتٸڭ ساپاسىن ارتتىرۋعا ىقپال ەتەدٸ.
پەدياترييا جەنە بالالار حيرۋرگيياسى عىلىمي ورتالىعىنىڭ تاعى بٸر ماڭىزدى باعىتى – رەزيدەنت دەرٸگەرلەردٸ دايارلاۋ. قازٸرگٸ ۋاقىتتا مۇندا مەملەكەتتٸك بٸلٸم بەرۋ تاپسىرىسى بويىنشا ونداعان جاس مامان بٸلٸم الۋدا. ولار تەجٸريبەلٸ دەرٸگەرلەردٸڭ جەتەكشٸلٸگٸمەن كٷردەلٸ دياگنوزى بار بالالاردى ەمدەۋگە قاتىسىپ, بولاشاق كەسٸبي قىزمەتٸنە قاجەتتٸ تەجٸريبە جيناقتايدى.
مەديتسينا سالاسىندا تەورييالىق بٸلٸم عانا جەتكٸلٸكسٸز. سوندىقتان ورتالىقتا رەزيدەنتتەر وپەراتسييالىق زالداردا, پروتسەدۋرالىق كابينەتتەردە جەنە كلينيكالىق بٶلٸمشەلەردە جۇمىس ٸستەپ, ناقتى تەجٸريبەلٸك داعدىلاردى مەڭگەرەدٸ. مۇنداي دايىندىق ولاردىڭ كەيٸن ەلٸمٸزدٸڭ كەز كەلگەن ٶڭٸرٸندە, سونىڭ ٸشٸندە اۋىلدىق جەرلەردە دە ساپالى قىزمەت كٶرسەتۋٸنە مٷمكٸندٸك بەرەدٸ.
بٷگٸندە ورتالىق تٷلەكتەرٸ قازاقستاننىڭ ەر ايماعىندا ەڭبەك ەتٸپ جٷر. ولاردىڭ اراسىندا بٶلٸمشە مەڭگەرۋشٸلەرٸ, باس دەرٸگەر ورىنباسارلارى جەنە عىلىمي قىزمەتكەرلەر بار. بۇل بٸلٸم بەرۋ جٷيەسٸنٸڭ تيٸمدٸلٸگٸن كٶرسەتەدٸ.
دەنساۋلىق ساقتاۋ جٷيەسٸنٸڭ ساپاسى جاڭا عيماراتتارمەن نەمەسە زاماناۋي جابدىقتارمەن عانا ٶلشەنبەيدٸ. ونىڭ باستى كٶرسەتكٸشٸ – كەسٸبي دەرٸگەرلەر. سوندىقتان مەديتسينا ماماندارىن دايارلاۋ مەن ولاردىڭ بٸلٸكتٸلٸگٸن ارتتىرۋعا باعىتتالعان جۇمىستار ەلدەگٸ مەديتسينالىق كٶمەكتٸڭ ساپاسىن جاقسارتۋدىڭ جەنە اۋىل مەن قالا اراسىنداعى مەديتسينالىق قىزمەت دەڭگەيٸن تەڭەستٸرۋدٸڭ ماڭىزدى تەتٸگٸ بولىپ قالا بەرەدٸ.
