“Amanat” partiiasy Astana qalasy máslihatynyń depýtaty David Loriia men Semei qalasy máslihatynyń depýtaty Samat Smaqov “Jibek joly” telearnasynyń “Juldyzbysyń” baǵdarlamasyna qatysyp, matematika jáne tarih pánderi boiynsha bilimin ortaǵa saldy. Osy tusta tanymal fýtbolshylar biraz suraqtan súrinip, kóptiń aldynda uiatqa qaldy, dep habarlaidy Dalanews.kz.
Baǵdarlama barysynda telejúrgizýshi depýtattarǵa matematika, tarih jáne logikaǵa bailanysty suraqtar qoidy. Máselen, Samat Smaqov qazaq álipbiinde qansha árip bar degen suraqqa – 38 (durys jaýap: 42) dep jaýap qatsa, David Loriia “Abai jolynyń” avtory kim degen suraqqa “Abai” (durys jaýap: Muhtar Áýezov) ekenin aitty.
Al Samat Smaqovtan meiizdiń neden jasalatynyn suraǵanda, ol “qanttan” (durys jaýap: júzimnen) dep jaýap berdi. Qala berdi Smaqov matematikadan “jetini nólge kóbeitse, qansha bolady?” degen suraqtyń da jaýabyn aita almady.
Sondai-aq olar tarih boiynsha qoiylǵan suraqtan da súrindi. Depýtat David Loriia “saqtardyń patshaiymy kim?” degen suraqqa onyń bergen jaýaby - “Tamara” (durys jaýap Tomiris) boldy. Atalmysh baǵdarlamadan keiin ol Instagram jelisinde segizinshi synypqa arnalǵan Qazaqstan tarihy pánin oqyp otyrǵan sýretin jariialady.
Eske salaiyq, David Loriia - qazaqstandyq fýtbolshy jáne qaqpashy. Sonymen qatar Qazaqstannyń úsh dúrkin chempiony. 2023 jyldyń naýryz aiynda Astanadaǵy №14 sailaý okrýgi boiynsha bir mandatty kandidattar arasyndaǵy sailaýda jeńiske jetip, máslihat depýtaty atandy. Ony sailaýǵa “Amanat” partiiasynyń elordadaǵy filialy usynǵan. Qazir depýtat Astana fýtbol federatsiiasy qaýymdastyǵynyń prezidenti qyzmetin atqarady.
Al Samat Smaqov – qazaqstandyq fýtbolshy, ortalyq qorǵaýshy. Ol Qazaqstandaǵy eń ataqty fýtbolshylardyń biri. Depýtat Qazaqstannyń alty dúrkin chempiony, bes dúrkin júldegeri jáne tórt dúrkin úzdik fýtbolshysy atanǵan. 2023 jyldyń qazan aiynda Semei qalalyq máslihatynyń depýtaty bolyp sailandy.
https://youtu.be/02ucwEQUS-s?si=iANZIw2IpP_q8Xhq
