Qazaqstandyq áiel BI Group kompaniiasynyń beiresmi ujymdyq sharaǵa qatyspaǵany úshin kúieýiniń jalaqysynan aqsha ustap qalǵanyna narazylyq bildirdi. Onyń sózinshe, kompaniianyń 30 jyldyǵyna orai uiymdastyrylǵan merekelik jiynǵa barmaǵan qyzmetkerlerge 256 myń teńge kóleminde «aiyppul» salynatyny aitylǵan. Áiel bul talapty ádiletsiz dep esepteidi, dep habarlaidy Dalanews.kz.
"Qyzmetkerlerdiń merekelik keshke qatysýy nege mindetti?"
Threads áleýmettik jelisinde jariialanǵan jazbada áiel adamnyń kúieýi BI Group kompaniiasynda jumys isteitini kórsetilgen.
«Qurmetti BI Group basshylyǵy, nege korporativtik keshke barmaǵan qyzmetkerlerdiń jalaqysynan aqsha ustaisyzdar? 21 maýsymda Býrabaida 30 jyldyq mereitoi ótkizip jatyrsyzdar. Endi sol keshtiń tolyq qunyn jumysshynyń jalaqysynan alyp qalmaqsyzdar», – dep jazdy qoldanýshy.
Ol mundai sharalarǵa qatysýshylardy aldyn ala saýalnama arqyly naqtylaý kerek edi dep sanaidy. Onyń aitýynsha, ár adamnyń óz josparlary bar, al sońynan qatyspaǵany úshin jazalaý – ádiletsizdik. Sonymen qatar, áiel kompaniia qyzmetkerlerin senbilikke shyǵaryp, mekeme mańyn tazalaýǵa májbúrleitinin de aityp ótti.
"Tazalyqqa jumysshylar emes, arnaiy mamandar jaýapty bolýy kerek"
"BI Group qyzmetkerleri mektep qurylysy júrip jatqan jerlerde qoqys jinaýǵa májbúr. Nege arnaiy klining shaqyrmaisyzdar? Túngi 1-2-ge deiin ustap, bastyq ne ákim keletin bolǵanda ǵana bárin jappai jumyldyrady. Bul eńbek shartynda kórsetilmegen", – deidi jazba avtory.
Kompaniia ne deidi?
Pikirge jaýap retinde kompaniia qyzmetkerleri jáne baspasóz qyzmeti túsinikteme berdi. Olardyń aitýynsha, ujymdyq is-sharaǵa qatysý mindetti emes, jáne bul týraly aldyn ala saýalnama júrgizilgen.
"Qyzmetkerler eshqashan májbúrlenbeidi. «Janashyrlyq» degen korporativtik mádeniet bar. Kei kezde ujym óz erkimen birigip kómektesedi. Bul – ujymdyq rýhty nyǵaitý tásili", – dep jazdy qyzmetkerlerdiń biri.
BI Group baspasóz qyzmetiniń málimetinshe, eki ai buryn qyzmetkerlerge shaqyrtý berilip, olar sharaǵa qatysatyn-qatyspaitynyn rastaǵan. Qatysatynyn aitqandar úshin kólik, jatyn oryn jáne qajetti qural-jabdyqtar aldyn ala brondalǵan.
"Eger adam sońǵy sátte barýdan bas tartsa, kompaniia ketken shyǵyndy óteýdi suraýy múmkin. Al aldyn ala bas tartqandardan eshqandai aqsha ustalmaidy", – delingen resmi túsiniktemede.
Der kezinde eskertilmegen jaǵdai bar
Degenmen jazba avtorynyń jaǵdaiynda kúieýi óz kelisimin bermese de tizimge engizilip ketkeni belgili boldy. Bul másele qaralyp, nátijesinde qyzmetkerdiń jalaqysynan qarajat ustalmaityn boldy.
"Basshysymen túsindirý jumysy júrgizildi", – dep tolyqtyrdy BI Group.
