2018 jyldan beri jumysy turalap qalǵan Beineý astyq terminaly qaita iske qosyldy. Terminaldyń ashylý saltanatyna Mańǵystaý oblysynyń ákimi Nurdáýlet Qilybai, Halyk qorynyń basshylary men aýdan aqsaqaldary qatysty, – dep habarlaidy Dalanews.kz
Bul mańyzdy infraqurylymdyq jobanyń iesi - “Eýraziia Trans Logistik" JShS. Mańǵystaý oblysynyń ákimdigi «Halyk» qorynan qarjy alyp, "Kaspii" áleýmettik-kásipkerlik korporatsiiasymen birlese otyryp, astyq terminalynyń qaita iske qosylýyn qamtamasyz etti.
Joba óńirdiń azyq-túlik qaýipsizdigin nyǵaityp, Qazaqstannyń eksporttyq áleýetin arttyrýǵa septigin tigizedi.
“Memleket basshysy Qasym-Jomart Toqaev Mańǵystaý oblysynyń áleýmettik-ekonomikalyq damýy aiasynda terminaldy qalpyna keltirýdiń mańyzdylyǵyn atap ótken bolatyn. Beineý astyq terminalynyń qaita iske qosylýy – óńir damýy úshin strategiialyq mańyzdy qadam bolyp otyr.
Óitkeni bul joba oblystyń azyq-túlik turaqtylyǵyn qamtamasyz etip qana qoimai, eksporttyq baǵytty kúsheitip, jańa jumys oryndaryn ashady,” – dedi oblys ákimi Nurdáýlet Qilybai.
Terminaldyń qýattylyǵy bir mezgilde 100 myń tonna astyq saqtaýǵa múmkindik berip, táýligine 400 tonna un, jylyna 25 000 tonna kebek shyǵara alady.
Kásiporynnyń júk ainalymy jylyna 2 million tonnaǵa deiin jetip, shamamen 200 jańa jumys orny ashylady dep kútilýde. Ónimder Ózbekstan, Tájikstan jáne Aýǵanstanǵa eksporttalady.
Beineý terminalynyń zamanaýi infraqurylymy ony Kaspii mańy elderine qurlyq arqyly júk tasymaldaityn negizgi logistikalyq ortalyqtardyń birine ainaldyrýǵa múmkindik beredi. Bul Mańǵystaý oblysynyń ekonomikalyq áleýetin arttyryp, halyqaralyq aýyl sharýashylyǵy ónimderi saýdasyndaǵy rólin nyǵaitady.
“Halyk qory Mańǵystaý oblysynyń damýyn júieli túrde qoldap keledi. Óńir úshin mańyzdy jobalarǵa investitsiia salý – bizdiń basty mindetimiz. 2023 jyldan beri qor bul aimaqqa 4,5 milliard teńge bóldi, onyń ishinde 1,8 milliard teńge Beineý astyq terminalyn qalpyna keltirýge baǵyttaldy. Bul joba tek infraqurylymdyq nysan ǵana emes – ol jańa jumys oryndary, jergilikti kásipkerler úshin turaqtylyq jáne eldiń eksporttyq áleýetin nyǵaitýǵa úles qosady,” – deidi Halyk qorynyń direktory Saǵynbek Shúńkeev.
2010 jyly paidalanýǵa berilgen Beineý astyq terminaly búginde tolyq jańǵyrtylyp, memleket júrgizip otyrǵan azyq-túlik qaýipsizdigi men agroónerkásiptik eksportty damytý strategiiasyna sáikes qaita iske qosyldy. Prezident Qasym-Jomart Toqaev turaqty ekonomikalyq ósim men óńirlerdi damytýǵa yqpal etetin osyndai infraqurylymdyq jobalardyń mańyzdylyǵyn birneshe ret atap ótken bolatyn.
