Quryltai depýtattyǵyna úmitkerler tizimine enbei qalǵan eks-depýtat Baqytjan Bazarbek áleýmettik jelide jazba jariialap, úsh jyldyq jumysyn qorytyndylady, dep habarlaidy dalanews.kz.
Májilis minberinde túrli daýly taqyrypty kótergen ol ózi úshin jańa kezeń bastalǵanyn málimdedi.
"Parlamenttegi úsh jarym jyldyq qyzmetimde elime jáne halqyma adal ári printsipshil túrde qyzmet etýge bar kúsh-jigerimdi saldym. Betke ustar Parlament depýtatyna ainaldym. Osy jolda halyqtyń senimi men qurmetine ie bola alsam, onda bul - eńbegimniń zaia ketpegeni. Endi men erkinmin jáne men úshin jańa kezeń bastalady. Bir esik jabylsa, ekinshisi ashylady. Ómirdegi árbir kezeń - joldyń sońy emes, jańa belesi.
Maǵan senim artqan, qoldaý bildirgen jáne árdaiym janymnan tabylǵan barshańyzǵa shynaiy alǵysymdy bildiremin. Sizderdiń qoldaýlaryńyz maǵan árdaiym kúsh-qýat berdi. Raqmet!" - dep jazdy Baqytjan Bazarbek.
Eske salaiyq, buǵan deiin eks-depýtat birneshe márte Almaty, Astana siiaqty iri qalalardaǵy zańsyz, beibereket nysandardy, taý bókterindegi qurylysty áshkerelep, mundaiǵa jol berýge bolmaitynyn málimdedi.
Sonymen qatar, bai-baǵlandardyń qolynda zańsyz ketken jaiylymdyq jáne aýyl sharýashylyǵy jerlerin memleketke qaitarý máselesin kóterdi.
