Abai oblysynyń ákimi Berik Ýáli Besqaraǵai aýdanyna jumys sapary barysynda Shipaly kólde bolyp, demalys aimaǵyn damytýǵa qatysty jobalarmen tanysty,- dep habarlaidy Dalanews.kz
Shipaly kól (el arasynda Shoshqaly kól dep atalyp ketken) – Besqaraǵai aýdanynyń soltústik-batys bóliginde, aýdan ortalyǵynan 85 shaqyrym jerde, «Semei Ormany» tabiǵi rezervaty aýmaǵynda ornalasqan erekshe tabiǵi nysan. Kóldiń sýy men balshyǵy emdik qasietterimen tanymal.
Týristik aimaqqa ákimdik tarapynan infraqurylym tartylsa kólge investitsiia salýǵa daiyn kásipkerler az emes. Jergilikti investorlardyń biri kól jaǵasyna saýyqtyrý, demalys keshenin, endi biri 300 oryndyq balalar saýyqtyrý lagerin salýdy josparlap otyr. Aimaq basshysy bastamalarǵa qoldaý bildirip, ákimdik infraqurylym jelilerin tartýǵa kómek kórsetetinin aitty.
«Shipaly kóldiń áleýeti óte joǵary. Kólge infraqurylym tartylsa, kelemiz dep otyrǵan investor kóp. Negizgi joldan kólge deiingi 7-8 shaqyrym qara jol. Biyl oǵan asfalt tóseimiz. Energetika jáne turǵyn úi-kommýnaldyq sharýashylyǵy basqarmasy elektr jelisin tartý boiynsha usynys berińizder. Biz oblysymyzdaǵy osyndai týristik oryndardy tiimdi paidalanýymyz kerek», - dedi oblys ákimi.
Aimaq basshysy oblystaǵy týristik oryndardy damytý boiynsha Týrizm basqarmasynyń basshysyna tapsyrma berdi.
Jaǵajai aýmaǵy demalýshylar úshin abattandyrylyp, kiim aýystyrýǵa arnalǵan kabinalar, kúnnen qorǵaityn qurylystar, voleibol alańy, barbekiý aimaǵy men demalys oryndary ornatylǵan. Kól mańynda jartylai jeke kordon jáne 12 tósek-oryndyq qonaqúi de bar.
Búginde kól jaǵasynda 10 jeke kásipker demalýshylarǵa túrli qyzmet kórsetip keledi. Jazǵy maýsymda demalys kúnderi kelýshiler sany 700-800 adamǵa deiin jetse, aptanyń basqa kúnderi shamamen 300 adam tynyǵady.
