Angliianyń «Biornli» klýbynyń bas bapkeri Niki Haien Qazaqstan quramasynyń oiynshysy Dastan Sátbaevtyń jaraqatynan aiyǵyp kele jatqanyn málimdedi, dep habarlaidy dalanews.kz.
Belgiialyq maman bul týraly Chempionshiptiń 7-týry qarsańyndaǵy baspasóz máslihatynda aitty. Onyń sózinshe, qazaqstandyq fýtbolshy halyqaralyq úzilis kezinde tolyq qalpyna kelip, komanda sapyna qaita qosylýy tiis.
«Dastan Sátbaev halyqaralyq úzilis kezinde qatarǵa oralady. Qazir ol bizdiń baqylaýymyzda. "Chelsi" klýbynyń ókilderi kelip, dárigerlerimizben birlesip jumys júrgizdi. Nátijesinde fýtbolshynyń múmkindiginshe tez ári qaýipsiz túrde alańǵa oralýyna baǵyttalǵan ońaltý baǵdarlamasy ázirlendi», – dedi Niki Haien.
Aita keteiik, aldaǵy ýaqytta Qazaqstan quramasy jańa bas bapker Djon van’t Shiptiń jetekshiligimen Ulttar ligasyndaǵy alǵashqy oiyndaryn ótkizedi.
26 qyrkúiekte ulttyq qurama syrt alańda Farer araldarymen kezdesse, 29 qyrkúiekte Slovakiiamen oinaidy. Keiin 2 qazanda óz alańynda Moldovany qabyldap, 6 qazanda Farer araldaryna qarsy taǵy bir match ótkizedi.
