انگلييانىڭ «بيورنلي» كلۋبىنىڭ باس باپكەرٸ نيكي حايەن قازاقستان قۇراماسىنىڭ ويىنشىسى داستان سەتباەۆتىڭ جاراقاتىنان ايىعىپ كەلە جاتقانىن مەلٸمدەدٸ, دەپ حابارلايدى dalanews.kz.
بەلگييالىق مامان بۇل تۋرالى چەمپيونشيپتٸڭ 7-تۋرى قارساڭىنداعى باسپاسٶز مەسليحاتىندا ايتتى. ونىڭ سٶزٸنشە, قازاقستاندىق فۋتبولشى حالىقارالىق ٷزٸلٸس كەزٸندە تولىق قالپىنا كەلٸپ, كوماندا ساپىنا قايتا قوسىلۋى تيٸس.
«داستان سەتباەۆ حالىقارالىق ٷزٸلٸس كەزٸندە قاتارعا ورالادى. قازٸر ول بٸزدٸڭ باقىلاۋىمىزدا. "چەلسي" كلۋبىنىڭ ٶكٸلدەرٸ كەلٸپ, دەرٸگەرلەرٸمٸزبەن بٸرلەسٸپ جۇمىس جٷرگٸزدٸ. نەتيجەسٸندە فۋتبولشىنىڭ مٷمكٸندٸگٸنشە تەز ەرٸ قاۋٸپسٸز تٷردە الاڭعا ورالۋىنا باعىتتالعان وڭالتۋ باعدارلاماسى ەزٸرلەندٸ», – دەدٸ نيكي حايەن.
ايتا كەتەيٸك, الداعى ۋاقىتتا قازاقستان قۇراماسى جاڭا باس باپكەر دجون ۆان’ت سحيپتٸڭ جەتەكشٸلٸگٸمەن ۇلتتار ليگاسىنداعى العاشقى ويىندارىن ٶتكٸزەدٸ.
26 قىركٷيەكتە ۇلتتىق قۇراما سىرت الاڭدا فارەر ارالدارىمەن كەزدەسسە, 29 قىركٷيەكتە سلوۆاكييامەن وينايدى. كەيٸن 2 قازاندا ٶز الاڭىندا مولدوۆانى قابىلداپ, 6 قازاندا فارەر ارالدارىنا قارسى تاعى بٸر ماتچ ٶتكٸزەدٸ.
