Abai oblysynyń ákimi Berik Ýáli Jańasemei aýdanyna jumys saparymen bardy. Aimaq basshysy birneshe áleýmettik mańyzy bar nysandardy aralady. Sý tasqyny kezeńine daiyndyq barysyn baqylap, jylý qazandyǵynyń jumysymen tanysty,- dep habarlaidy Dalanews.kz
Oblys ákimi aýdandaǵy jumys saparyn Shúlbi sý elektr stantsiiasynan bastady. Sý qoimasy eki milliard tekshe metrden astam sý jinai alady. SES basshylyǵynyń málimetinshe, Ertis ózenine kúnine shamamen 650 tekshe metr sý jiberiledi. Kóktemgi sý tasqyny kezinde bul kórsetkish 3 myń tekshe metrden asady.
Mamandar oblys ákimine qazirgi tańda nysan qalypty jumys istep turǵanyn, jiberiletin sý deńgeiin únemi qadaǵalap otyrǵanyn aitty. Nysanda josparly jóndeý jumysy júrgizilgenin, tasqyn kezeńine daiyn ekenderin jetkizdi.
«Sý tasqyny kezeńi jaqyndap keledi. Sondyqtan jumysty jalǵastyryp, sý deńgeiin únemi baqylaýda ustap otyryńyzdar. Sý jiberý kólemi ulǵaiǵan jaǵdaida oblys ákimdigimen, Tótenshe jaǵdai departamentimen birlese áreket etýimiz kerek»,- dedi aimaq basshysy.
Oblysta kóktemgi sý tasqynyna qarsy is-sharalar jospary bekitilgen. Soǵan sáikes tiisti jumystar júrgizilýde. Óńirde 95 gidrotehnikalyq nysan bar. Arnaiy top eldimekenderdi aralap, sý qoimalary men bógetterdiń jaǵdaiyn baqylaýda.
